Perezida wa Repubulika y’u Rwanda, Paul Kagame yakiriwe na mugenzi we wa Tanzania, madame Dr Samia Suluhu Hassan, bagirana ibiganiro byabereye mu muhezo, mu biro by’Umukuru w’Igihugu i Dar es Salaam.
Ibi biganiro byahuje Abakuru b’Ibihugu byombi birakurikirwa n’ikiganiro Perezida Kagame na Perezida Samia Suluhu bagirana n’itangazamakuru ku gicamunsi cyo kuri iki Cyumweru tariki 03 Gicurasi 2026.
Uruzinduko rwa Perezida wa Repubulika Paul Kagame muri Tanzania rwitezweho kongerera imbaraga umubano mwiza usanzwe hagati y’Ibihugu byombi.
Ubutwererane bw’u Rwanda na Tanzania, bwakomeje kwaguka mu myaka ishize binyuze muri Komisiyo ihuriweho Ihoraho yashyizweho ngo ifashe mu gutsura umubano n’ubutwererane.
