Amizero
Ahabanza Amakuru Umutekano

Maj Gen Kabandana wahanganye bikomeye n’ibyihebe byo muri Cabo Delgado yazamuwe mu ntera.

Perezida wa Repubulika Paul Kagame akaba n’Umugaba w’Ikirenga w’ingabo z’u Rwanda, RDF yazamuye mu ntera Maj Gen Kabandana wahanganye bikomeye n’ibyihebe byo mu Ntara ya Cabo Delgado muri Mozambique, amushyira ku ipeti rya Lt General.

Major General Kabandana azamuwe mu ntera nyuma y’iminsi mike avuye mu butumwa yari yashinzwe bwo kuyobora ingabo z’u Rwanda ziri mu butumwa bwo kurwanya iterabwoba mu Ntara ya Cabo Delgado muri Mozambique.

Mu butumwa bwo kurwanya iterabwoba muri Mozambique, Maj Gen Kabandana Innocent yari yungirijwe na Brig Gen Muhizi Pascal wari ushinzwe kuyobora urugamba (Operation Commander).

Guhera muri Nzeri 2022, aba baje gusimburwa n’abayoboye ingabo muri uyu mwaka wa kabiri, Umuyobozi Mukuru w’Ingabo kuri ubu ni Maj Gen Eugène Nkubito mu gihe Umuyobozi w’urugamba ari Brig Gen Frank Mutembe.

Mu yindi mirimo yakoze mu gisirikare cy’u Rwanda RDF, Lt Gen Kabandana Innocent yayoboye umutwe udasanzwe mu ngabo z’u Rwanda (RDF Special Forces Commander).

Maj Gen Innocent Kabandana wazamuwe mu ntera agahabwa irya Lieutenant General.
Itangazo ry’Igisirikare cy’u Rwanda RDF rimenyesha iri zamurwa mu ntera.

Related posts

Covid-19: Abantu batandatu bishwe n’iki cyorezo mu Rwanda, abagera kuri 496 baracyandura.

NDAGIJIMANA Flavien

Canada: Mu gukingirwa Covid 19 kuri dose ya kabiri ushobora gufata urukingo rutandukanye n’urwo wafashe kuri dose ya mbere.

NDAGIJIMANA Flavien

Rubavu: Perezida Paul Kagame yakiriye Tshisekedi wa DR Congo wasuye u Rwanda.

NDAGIJIMANA Flavien

Leave a Comment