Tunisia iheruka kwegukana iki gikombe na Ivory Coast niyo makipe arahatanira igikombe cya Afrobasketball nyuma yo guserera Cape Verde na Senegal zihatanira umwanya wa Gatatu kuri iki cyumweru muri Kagili Arena
Kuri uyu wa gatandatu tariki ya 4 Nzeri 2021 habaye imikino 2 ya ½ cy’irushanwa Afrobaskeball isiga Tunisia na Ivory Coast ariyo makipe ageze ku mukino wa nyuma.
Tunisia yageze ku mukino wanyuma itsinze Cape verde amanota 75 kuri 65. Agace ka mbere kabonetsemo amanota 16 ya Tunisia kuri 14 ya Cape Verde, agace ka kabiri kabonekamo amanota 23 ya Tunisia kuri 14 ya Cape Verde, agace ka gatatu kabonekamo amanota 20 ya Tunisia kuri 15 ya Cape Verde mu gihe agace kanyuma Tunisia yatsinzemo amanota 16 kuri 21 ya Cape Verde
Ku rundi ruhande, Ivory coast yageze ku mukino wanyuma nayo itsinze Senegal amanota 75 kuri 65 . Agace ka mbere kegukanwe na Ivory coast yatsinze amanota 17 kuri 13 ya Senegal, agace ka kabiri kabonekamo amanota 19 ya Ivory coast kuri 16 ya Senegal, mu gace ka gatatu Ivory coast itsindamo amanota 17 kuri 19 ya Senegal, naho agace kanyuma karangira Ivory coast itsinze amanota 22 kuri 17 ya Senegal.
Kuri iki cyumweru, ku isaha ya saa saba n’igice (1:30PM) harakinwa umukino wo guhatanira umwanya wa 3. Ni umukino urahuza Cape verde ndetse na Senegal mu gihe ku isaha ya saa kumi n’imwe z’umugoroba (5PM) harakinwa umukino wa nyuma hagati ya Ivory coast na Tunisia.
