Amizero
Ahabanza Amakuru Amatangazo Hanze Politike Umutekano

Nyuma y’imirwano ikaze, M23 yigambye ko yafashe Umujyi wa Kitchanga.

Nyuma y’imirwano ikaze yatangiye mu gitondo cyo kuri uyu wa Kabiri tariki 24 Mutarama 2023, M23 yigambye ko yamaze kwigarurira Umujyi wa Kichanga wafatwaga nk’icyicaro cya FARDC muri aka gace.

Nyuma y’urusaku rw’imbunda ziremereye rwiriwe rwumvikana umunsi wose, ubu amakuru atangwa n’abaturage bari hafi aho aremeza ko Kitchanga igenzurwa na M23, nyuma y’imirwano yatangiye mu rukerera rwo kuri uyu wa Kabiri tariki 24 Mutarama 2023.

Aba baturage bavugako muri iyi mirwano, ingabo za Leta ya DR Congo, FARDC zifatanyije n’inyeshyamba za FDLR ndetse n’abacancuro b’abarusiya bo muri Wagner bagerageje uko bashoboye kurinda Umujyi ariko bikarangira Intare za Sarambwe zibakubise inshuro bakayabangira ingata.

Biravugwa ko kandi M23 ikomeje kwigarurira utundi duce turimo na Burungu bivugwako ariho hari ibirindiro bikuru bya Gen. Bde Nzabanita Lucien Karume wa FDLR.

Imirwano yo kuri uyu wa Kabiri yari ikaze cyane kuko Ingabo za Leta ya DR Congo ziyambaje n’indege zo mu bwoko bwa Sukhoi-25 kugirango zirebe ko zatsimbura M23 ariko bikanga bikaba iby’ubusa.

Abasirikare ba Leta ya DR Congo, FARDC basigaye bambara imyenda mishya ngo batandukane na M23.

Related posts

Ikibazo cy’abarimu badatangirwa imisanzu muri RSSB kigiye gukurikiranwa kandi gikemurwe.

NDAGIJIMANA Flavien

EURO 2020: Mu mibare, dore ibyo wamenya ku makipe agiye guhurira ku mukino wa nyuma

NDAGIJIMANA Flavien

Amatsinda y’amakipe azakina shampiyona y’icyiciro cya kabiri yamenyekanye

NDAGIJIMANA Flavien

Leave a Comment