Amizero
Ahabanza Amakuru Hanze Imyidagaduro Iyobokamana

Burundi: Umuhanzikazi Muhimbare wahisemo izihimbaza Imana yagarutse ku ndirimbo ye nshya na Filime akina.

Umuhanzikazi Alvella Muhimbare wo mu Gihugu cy’u Burundi muri Komini ya Kinyinya, wahisemo gukorera umuziki mu Gihugu cy’amavuko, ndetse n’ibindi bikorwa birimo Filime ye yitwa ‘My life story’, yagarutse ku ndirimbo ye yakunzwe cyane yitwa ‘Mfite amatsiko’, anakomoza ku gitaramo yitegura mu kwezi gutaha kwa 12.

Mu kiganiro yagiranye n’umunyamakuru wa WWW.AMIZERO.RW, yavuzeko amaze umwaka atangiye umuhamagaro maze akayoboka umwuga w’ubuhanzi aho aririmba mu njyana ya Gospel ndetse akanakina Filime.

Ku bijyanye n’indirimbo ye yitwa ‘Amatsiko’, mu rurimi rw’iwabo yagize ati: “Indirimbo yanje yitwa ‘Amatsiko’ nta kintu na kimwe nayikuyeko mu kuyandika na canecane ko indirimbo zose maze kwandika bingora kuba novuga ngo inspiration nayikuye aha. Hari aho mba nicaye canke ndyamye ngize gutya nkaza numva amajambo y’indirimbo araje nk’aho umenga ni umuntu ariko arayambwira nkafata urupapuro n’ikaramu nkandika!

Ndibuka ko hari mu masaha yo kumugoroba mvuye ahantu nageze mu cumba canje numva amajambo anje mu mutwe nk’aho umenga ni umuntu ariko arayambwira ndangije mfata urupapuro n’ikaramu ndavyandika. Ndibukako kuyandika atasaha vyantwaye mu kuyandika nogutora Melodie [injyana]”.

Abajijwe ku gitaramo azitabira tariki 04 Ukuboza uyu mwaka, yagize ati: “Igitaramo tuzokora mu kwa 12 ntabwo ari iciwanje ni ico natumiwemo nzoba ngiye kuririmba citiriwe amashimwe 2022 ku bari mu Burundi kizobera kuri CLM”.

Uyu muhanzikazi Muhimbare yagarutse no ku mishinga ari gukora harimo indirimbo nshya avugako izasohoka vuba kandi ko ngo izaba ari nziza cyane, avuga no kuri film ye yitwa ‘My life story’ igice cya 3.

Alvella Muhimbare ni umwe mu bahanzi baririmbira Imana uri kwigarurira imitima y’abatari bacye mu Gihugu cy’u Burundi bitewe n’ijwi rye ndetse n’uburyo yitwara iyo ari imbere y’abo agezaho ubutumwa, bikaba bishoboka ko aramutse akomeje uyu mwuga yazamenyekana kandi agakundwa n’abatari bacye haba mu Burundi ndetse no hanze yabwo.

Umuhanzikazi ushyize umutima ku byo akora akemeza ko muri byose amurikirwa n’Imana
Mu buzima busanzwe akunze kugaragaza ibyishimo

Muhimbare Alvella akunda guhimbaza Imana Ku buryo bituma akundwa n’abatari bacye.

Yanditswe na Turirimbe Didace @WWW.AMIZERO.RW

Related posts

Nyagatare-Katabagemu: Umugabo yitwikiye mu nzu akoresheje lisansi arashya arakongoka n’ibye byose.

NDAGIJIMANA Flavien

COVID-19: Mu Buhinde batewe inkingo zikozwe mu mazi n’umunyu

NDAGIJIMANA Flavien

Tumenye byinshi ku nkuba zikunze gutera ubwoba benshi bakazifata nk’amashitani.

NDAGIJIMANA Flavien

Leave a Comment