Mu isiganwa Tour de France, kuri uyu wa kane tariki ya 15 Nyakanga 2021, Tadej Pogacar yegukanye agace ka 18, akoza imitwe y’intoki ku mudari w’iri rushanwa.
Mu isiganwa Tour de France, kuri uyu wa kane tariki ya 15 Nyakanga 2021 bakinaga agace ka 18. Ni agace kakinwe abasigwanwa bagera ku 144 bahaguruka Pau berekeza Luz Ardiden. Ni urugendo rureshya na kilometero 129 na metero 700 (129.7KM)
Tadej Pogacar (UAE Team Emirates) wegukanye aka gace akoresheje ibihe bingana n’amasaha 3 iminota 33 n’amasegonda 45 (03h33’45”), akurikirwa na Jonas Vingegaard (Jumbo Visma) ndetse na Richard Carapaz (Ineos Grenadiers) bombi barushijwe ibihe bingana n’amasegonda 2 (+02sec).
Ku rutonde rusange, Tadej Pogacar umaze gukoresha masaha 75 n’amasegonnda 2 (75H00’02’’) arasa n’uwamaze kwegukana iri rushanwa habura iminsi 3 ngo rishyirweho akadomo kuko arusha Jonas Vingegaard umukurikiye igihe kingana n’iminota 5 n’amasegonda 45 (+5’45’’) mu gihe Richard Carapaz uza ku mwanya wa 3 arushwa n’uwa mbere ibihe kingana n’iminota 5 n’amasegonda 51 (+5’51’’).
Kuri uyu wa mbere tariki ya 16 Nyakanga 2021, irushanwa riraba rigeze ku munsi waryo wa 21 basiganwa agace ka 19. Abasiganwa barahaguruka mu mugi wa Mourenx berekeza Liborne, intera ya metero 207 (207KM).
