Amizero
Ahabanza Amakuru Politike Ubukungu

Perezida Kagame yasabye abaturage ko aho gushaka imirimo mu mahanga, bayihabwa Leta ikabahemba.

Ibi Umukuru w’Igihugu yabigarutseho mu Nama Nkuru y’Umuryango RPF Inkotanyi yateranye ku nshuro ya 15 muri Kigali Arena, kuri uyu wa Gatandatu tariki 30 Mata 2022, ikitabirwa n’abanyamuryango barenga 3200 baturutse imbere mu Gihugu no muri Diaspora, ikanatumirwamo indi mitwe ya Politiki ibarizwa mu Rwanda.

Iyi Nama Nkuru ibaye mu gihe manda ya gatatu ya Perezida Kagame ibura imyaka ibiri ngo irangire, hakaba hasuzumwaga aho ishyirwa mu bikorwa ry’ibyo yemereye abaturage rigeze.

Perezida Kagame akaba na Chairman w’Umuryango RPF Inkotanyi, yavuze ko aba baturage bafata inzira bakajya gushaka imirimo y’intica ntikize mu Bihugu by’abaturanyi, bakazahurirayo n’ibibazo, bashakayo ubusa, bakwiriye guhangirwa imirimo.

Yatanze urugero ku buryo iyo urebye Nyabarongo, ubona imeze nk’umuhanda w’ibitaka ntumenye ko ari amazi kubera isuri iba yatembanye ubutaka, asaba ko abo baturage bahabwa akazi ko guca amaterasi y’indinganire, Leta ikabahemba ariko nabo bakagira uruhare mu kurengera toni nyinshi z’ubutaka butwarwa n’isuri.

Yagize ati: “Ibintu byo kurwanya isura […] ndabaza, abaturage bambuka bajya gukora mu ntoki, mu mirima y’abandi bangana uko bangana. Kuki tutashaka uburyo bakora ako kazi tukabahemba nka Leta?”

Nubwo ako kazi kazatangwa, Umukuru w’Igihugu yavuze ko bitazabuza abantu bambuka mu buryo butemewe batwaye magendu zirimo kanyanga n’ibindi.

Perezida Kagame yavuze ko gufungwa kw’imipaka, kwatumye inzego zimwe zikanguka, hubakwa ubushobozi ku buryo bimwe mu byavaga mu mahanga, byatangiye kujya bishakirwa imbere mu Gihugu.

Perezida Paul Kagame akaba na Chairman w’Umuryango RPF Inkotanyi
Abayitaniriye bageraga ku 3200 baturutse imihanda yose

Related posts

Pasiteri Ezra Mpyisi yujuje Ikinyejana ageze ku Isi.

NDAGIJIMANA Flavien

Ihumure ku bagenzi benshi bari ahategerwa imodoka muri Nyabugogo, Nyagatare n’ahandi mu Gihugu.

NDAGIJIMANA Flavien

Guinea Conakry: Perezida Alpha Conde yahiritswe ku butegetsi n’abasirikare kabuhariwe [VIDEO].

NDAGIJIMANA Flavien

Leave a Comment