Amizero
Ahabanza Amakuru COVID 19 Hanze Politike Ubukungu Ubuzima

Kubera izahara ry’ubukungu, Afurika y’Epfo yakuyeho amategeko yo mu bihe bya Covid-19 .

Perezida wa Afurika y’Epfo, Cyril Ramaphosa, kuri uyu wa Mbere tariki 04 Mata 2022 yatangaje ko amategeko yose yari yarashyizweho mu kurwanya ikwirakwira ry’icyorezo cya Covid-19 akuweho guhera saa sita z’ijoro kuri uyu wa mbere washize kuko ngo igihe kigeze ngo basubire mu bikorwa bizamura ubukungu bw’Igihugu bwasubiye inyuma cyane.

Afata iki cyemezo, Perezida Ramaphosa yavuze ko Igihugu cye, cyashegeshwe cyane kurusha ibindi ku mugabane wa Afurika ariko kikaba cyaranakoze ibishoboka byose mu kurwanya iki cyorezo. Yavuzeko Igihugu cye cyavuye ku bantu 420 bapfa ku musi mu kwezi kwa Karindwi umwaka wa 2021, kikagera ku bapfa 12, mu cyumweru gishize. Leta rero ngo ikaba yahisemo gukuraho ingingo zirebana na Covid-19 Igihugu cyari cyafashe kuva tariki 15 Werurwe 2020.

Ubukungu bwa Afurika y’Epfo bwasubiye inyuma kubera icyorezo cya COVID-19, abashomeri biyongereye kugera kuri 35.3% mu mezi atatu ya nyuma ya 2021.

Perezida Ramaphoza yavuze ko ariko izindi ngamba nko kwambara udupfukamunwa ahantu hafunganye nko mu nzu bizagumaho nibura kugera mu minsi 30 iri imbere.

Afurika y’Epfo ni cyo Gihugu cya mbere ku mugabane wa Afurika mu kugira umubare munini w’abanduye COVID-19 ndetse n’abo yahitanye kuko yo yonyine yihariye abanduye barenga Miliyoni 3.7, muri Miliyoni 11.3 zanduye ku mugabane wose.

Perezida Cyril Ramaphosa/Photo CNBC Africa
Covid-19 yashegeshe ubukungu bwa Afurika y’Epfo

VOA

Related posts

Abasirikare basaga 1700 bari bagotewe mu ruganda Azovstal bamaze kuyamanika imbere y’Abarusiya [AMAFOTO].

NDAGIJIMANA Flavien

Perezida Kagame yasobanuye ikibazo cy’abimwe ubufasha n’ikigega cyashyiriweho kuzahura ubukungu

NDAGIJIMANA Flavien

Minisitiri Gatabazi yasabye abayoboke ba ADEPR gushyigikira ubuyobozi bushya bwabo bakirinda n’ababaca intege.

NDAGIJIMANA Flavien

Leave a Comment