Amizero
Ahabanza Amakuru Ubuzima Umutekano

Kamonyi: Impanuka ikomeye yatewe n’ikamyo yakomerekeyemo abagera kuri 32 [AMAFOTO]

Kuri uyu wa Gatanu tariki 08 Mata 2022, ikamyo itwara umucanga yateje impanuka ikomeye yabereye hafi y’ahazwi nka Rwabashyashya munsi y’Ibiro by’Akarere ka Kamonyi, mu Nkoto mu Karere ka Kamonyi, Intara y’Amajyepfo, hakomerekeramo abantu 32  barimo umunani bakomeretse bikomeye.

Umuvugizi wa Polisi y’u Rwanda, CP John Bosco Kabera, yatangarije RBA dukesha iyi nkuru ko iyi mpanuka yatewe n’ikamyo yavaga i Muhanga igonga imodoka umunani (8) zirimo eshatu (3) zari zitwaye abagenzi mu buryo bwa rusange, avugako iyi kamyo yanyuze ahantu hatemewe, ngo ari nabyo byatumye igonga izi modoka zari mu mukono wazo.

CP John Bosco Kabera, yavuze ko abakometse bajyanwe ku Kigo nderabuzima cya Kamonyi, ariko nyuma byaje kugaragara ko hari abakomeretse cyane, umunani bakaba bajyanwe ku Bitaro bya Remera Rukoma.

Mu butumwa yatanze, CP Kabera yagize ati: “Abantu bakwiye gukoresha neza umuhanda kuko yaba abatwara ibinyabiziga cyangwa abanyamaguru n’abandi, bagomba kumva ko batawugendamo bonyine. Abantu bakwiye korohererana, kuko urumva kubera kunyuranaho ahantu hatemewe byatumye imodoka zingana kuriya zigongana”.

Yavuze ko kutubahiriza gusa amategeko, bishobora kugira ingaruka ku bantu benshi, abantu bakaba bakwiye kumva ko ari inshingano zo kwirinda no kurinda abandi.

Amakuru twamenye ngo ni uko iyi kamyo yakoze ibara, yari ipakiye umucanga/umusenyi, maze ngo ubwo yamanukaga muri uyu muhanda, igeze ahamanuka cyane ngo imanuka yiruka nk’iyabuze feri, maze ngo nibwo yatangiye gukubita izindi modoka nyinshi zari ziyiri imbere zirimo izari zitwaye abagenzi ikazangiza cyane ari nabyo byateye benshi gukomereka.

Imodoka nyinshi zafatanye nyuma yo ukubitwa n’icyo gikamyo
Iki gikamyo cyangije izi modoka ku buryo wabonaga ko hasobora gupfa benshi.
Iki gikamyo cyanyukaguye zimwe mu modoka

Related posts

Amerika ihamya ko Uburusiya bwiteguye kugaba igitero kuri Ukraine ku rugero rwa 70%.

NDAGIJIMANA Flavien

Covid-19: Abantu batandatu bishwe n’iki cyorezo mu Rwanda, abagera kuri 496 baracyandura.

NDAGIJIMANA Flavien

Ikipe y’igihugu Amavubi yatangiye imyitozo yitegura Mali na Kenya (Amafoto)

NDAGIJIMANA Flavien

Leave a Comment