Amizero
Ahabanza Amakuru Hanze Politike Umutekano

Gen Cirumwami nawe yatawe muri yombi azira gukorana na M23.

Nyuma y’itabwa muri yombi rya Lt Gen Philemon Irung Yav mu gitondo cya tariki 20 Nzeri 2022, Maj Gen Cirumwami wahoze akuriye Operasiyo Sokola 2 nawe yatawe muri yombi amusanga muri gereza ya Makala, aho nawe ashinjwa gukorana na M23.

Maj Gen Cirumwami wari umukuru w’ibikorwa bya Gisirikare mu Ntara ya Ituri, yatawe muri yombi mu gitondo cyo kuri uyu wa Kane tariki 22 Nzeri 2022 ahita ajya gufungirwa i Kinshasa muri gereza ya Makala aho Lt Gen Philemon Irung Yav afungiye kuva yatabwa muri yombi n’abashinzwe kurinda umutekano w’Umukuru w’Igihugu.

Maj Gen Cirumwami arakekwaho ibyaha byo gukorana n’umutwe wa M23 bisa neza nibyo Lt Gen Philemon Irung Yav yafungiwe.

Maj Gen Cirumwami yahoze akuriye Operasiyo Sokola 2 ishinjwe ku rwanya imitwe yitwaje intwaro muri Kivu ya Ruguru, aza gusimburwa kuri uyu mwanya na Lt Gen Philemon Yav ubu bafungiwe ibyaha bisa.

Mu ngabo za Leta ya Congo, FARDC hakomeje kuzamuka umwuka w’urwikekwe aho bikekwa ko bamwe mu basirikare bakuru muri Kivu ya Ruguru bashobora kuba bakorana n’umutwe wa M23, ngo bikaba ari byo byaba biyongerera imbaraga bigatuma FARDC itsindwa umusubirizo.

Twibutse ko mu gitondo cyo kuri uyu wa Kane tariki 22 Nzeri 2022 , hari abandi basirikare ba FARDC bagera kuri 75 bivugwa ko bahoze hafi ya Lt Gen Philemon Irung Yav nabo batawe muri yombi bazira ubugambanyi no gukorana na M23, ibyaha basangiye na Lt Gen Philemon Yav na Maj Gen Cirumwami.

Related posts

Perezida Paul Kagame yakiriye umuhungu wa Museveni, Gen Muhoozi Kainerugaba wasuye u Rwanda [AMAFOTO].

NDAGIJIMANA Flavien

Imvura izagabanuka mu gice cya mbere cy’ukwezi kwa Gicurasi 2022: ‘Metéo Rwanda’

NDAGIJIMANA Flavien

Rubavu: Minisitiri w’Ubutegetsi yasabye ko imirimo yo kubaka isoko ry’aka Karere isubukurwa bitarenze ibyumweru bibiri.

NDAGIJIMANA Flavien

Leave a Comment