BASKETBALL: IPRC Musanze yakoze imyitozo yanyuma itegura imikino 3 yo muri iyi weekend (Amafoto)

Mu gihe bitegura gukina imikino ibanza ya shampiyona BKBNL, kuri uyu wa kane tariki ya 03 Kamena 2021 IPRC Musanze BBC yakoze imyitozo ya nyuma mbere yo kwerekeza mu mujyi wa Kigali aho izakina imikino 3 muri iyi weekend

Kuri uyu wa gatanu tariki ya 04 Kamena 2021 haratangira shampiyona ya basketball BKBNL umwaka wa 2020/2021. Mu bagabo, amakipe 14 ahatanira igikombe cya shampiyona BKBNL yashyizwe mu matsinda 2 aho buri tsinda rigizwe n’amakipe 7.

IPRC Musanze BBC iri mu itsinda A ririmo Patriots, IPRC Kigali, UGB, Tigers, Shooting for the stars ndetse na UR Huye.

Mu mukino wayo wa mbere, kuri uyu wa gatanu tariki ya 04 Kamena 2021 IPRC Musanze iracakirana na UGB ku kibuga (Amahoro outdoor) saa moya z’umugoroba (7.00PM), kuwa gatandatu tariki ya 05 Kamena 2021 izacakirana na IPRC Kigali saa munani zuzuye (2.00PM) ku kibuga cya IPRC Kigali, mu gihe izasoza iyi mikino ikina na Tigers ku cyumweru tariki ya 06 Kamena 2021 saa yine zuzuye (10.00AM) muri Petit stade.