Amizero
Amakuru Hanze Politike Umutekano

Abatuye Cabo Delgado barashima cyane Ingabo z’u Rwanda na Polisi kuko ngo babagaruriye ubuzima [AMAFOTO]

Abatuye Akarere ka Palma mu Ntara ya Cabo Delgado mu Majyaruguru ya Mozambique, barashimira inzego z’umutekano z’u Rwanda ku bufatanye n’iz’Igihugu cyabo zabakijije ibyihebe byabiciye imiryango ndetse bikabagira impunzi mu Gihugu cyabo, kuri ubu ngo ubuzima bukaba butangiye kugaruka.

Ubu iwabo hari amahoro n’ituze ku buryo abasaga ibihumbi 25 bamaze kugaruka mu byabo nk’uko byatangajwe na RBA.

Mu mujyi wa Palma urujya n’uruza rwatangiye kugaruka, ibikorwa by’ubushabitsi n’ubucuruzi muri rusange nabyo bitangiye kuzura umutwe.

Ku batuye Palma ngo u Rwanda rwabagaruriye icyizere cy’ubuzima kandi ngo ntako bisa kubona ubufatanye buranga inzego z’umutekano z’u Rwanda n’iz’Igihugu cyabo cya Mozambique.

Mu ntara ya Cabo Delgado habarurwa abakabakaba miliyoni bakuwe mu byabo n’ibyihebe bivuga ko bigendera ku mahame y’Idini ya Islam.

Ingabo z’u Rwanda n’abapolisi b’u Rwanda bose hamwe 1000 nibo boherejwe muri Mozambique, mu kurwana n’ibi byihebe. Mu gihe kitageze ku mezi atatu, izi nzego z’umutekano z’u Rwanda zifatanyije n’iza Mozambique zimaze kwigarurira hafi ibice byose byari byarafashwe n’umwanzi.

Umukomando w’u Rwanda acunga umutekano muri Cabo Delgado/Photo RBA.
Kimwe mu bifaru u Rwanda ruri gukoresha muri Cabo Delgado/Photo RBA
Abapolisi kabuhariwe b’u Rwanda nabo mu kazi kose/Photo RBA
Abana b’u Rwanda bararikanuye biteguye aho ariho hose icyihebe cyaturuka ngo bakimene umutwe/Photo RBA.
Abana mu ma quartiers baratera umupira nta mususu kuko bazi ko abakomando ba RDF bari tayali/Photo RBA.

Related posts

Sergeant Major Robert watorotse igisirikare cy’u Rwanda yafatiwe muri Uganda.

NDAGIJIMANA Flavien

Iryavuzwe riratashye; General Muhoozi Kainerugaba mwene Museveni yageze i Kigali.

NDAGIJIMANA Flavien

Chorale Goshen ya ADEPR Muhoza yasohoye indirimbo ihumuriza abantu [VIDEO]

NDAGIJIMANA Flavien

Leave a Comment