Perezida Kagame n’umufasha we bitabiriye umukino Zamalek yatsinzemo US Monastir inegukana iki gikombe cy’irushanwa Basketball African League, ku gicamunsi cyo kuri iki cyumweru tariki ya 30 Gicurasi 2021 mu murwa mukuru Kigali
Kuri iki cyumweru tariki ya 30 Gicurasi 2021 muri Kigali Arena ho mu murwa mukuru w’u Rwanda Kigali habereye ibirori byo gusoza irushanwa rya BAL hatangwa iki gikombe cyari kimaze iminsi isaga 15 gihatanirwa n’amakipe 12 yaturutse mu bihugu 12 by’Afurika.
Ni imikino yarebwe n’umukuru w’igihugu cy’u Rwanda Nyakubahwa Paul Kagame ndetse na Madame Jeannette Kagame batahwemye kugaragara mu mikino ikipe ya Patriots ihagarariye u Rwand ayabaga yakinye.
Imikino 2 yari iteganyijwe kuri uyu munsi ni umukino wo guhatanira umwanya wa gatatu ndetse n’umukino wo guhatanira igikombe gikomeye cyatanzwe ku nshuro ya mbere mu mateka ya Afurika.
Zamalek yo mu Misiri yegukanye igikombe itsinze US Monastir amanota 76 kuri 63 ya US Monastir. Zamalek yayoboye umukino niyo yegukanyeAgace ka 1 kegukanywe na US Monastir yatsinze amanota 22 kuri 1, agace ka kabri kegukanwa na Zamalek yatsinze amanota 27 kuri 20, agace ka 3 kegukanwa na na Zamalek n’amanota 11 kuri 9 mu gihe agace kanyuma kegukanwe na Zamalek yatsinze 21 kuri 12.
Umwanya wa gatatu wegukanywe na Perto de Luanda yo muri Angola nyuma yo gutsinda patriots BBC yari ihagarariye u Rwanda amanota 97 kuri 68. Agace ka 1 kegukanywe na Petro de Luanda yatsinze mmanota 22 kuri 14, aka 2 ikegukana ku manota 31 kuri 23, aka 3 27 kuri 13, mu gihe agace ka kane katwawe na Patriots yatsinze amanota 18 kuri 17.
Zamalek yo mu Misiri niyo kipe ya mbere yegukanye iri rushanwa ribaye ku nshuro ya mbere ku bufatanye bwa NBA na FIBA Africa. Biteganyijwe ko imikino y’amajonjora y’irushanwa rya BAL season ya kabiri azatangira muri Nzeri uyu mwaka.
