Ikipe ya Rayon Sports y’Abagore yatsinze Commercial Bank of Ethiopia (CBE) ibitego 2-0, mu mukino wa mbere wo mu itsinda rya Kabiri (B), mu yo gushaka itike yo gukina imikino ya CAF Champions League y’Abagore mu karere ka CECAFA.
Ikipe ya Rayon Sports yatangiye itsinda umukino wayo ifashijwe na Scholastic Gikundiro, byasabye iminota 4 yonyine kugira ngo abe afunguye amazamu. Ikipe ya Rayon Sports yasoje igice cya mbere ifite igitego 1-0, bakigaruka mu gice cya kabiri Scholastic Gikundiro n’ubundi yari agifite inyota yo gutsinda.
Yakomeje kuzonga ba myugariro ba CBE, maze ku munota wa 54 ntiyatsinda ahubwo atanga umupira wavuyemo igitego kuri Odette Coralie NGWEMA. Umukino ugana ku musozo ikipe ya CBE yaje kwishyuramo igitego 1 igabanya umwenda ibifashijwemo na Bizuayehu Yadesse Aymeku, umukino urangira Rayon Sports y’Abagore yegukanye amanota 3.
Ikipe ya Rayon Sports mbere yo kwerekeza muri iyi mikino yari yemerewe na Halidi Mukandama agahimbazamusyi k’inzoga zingana n’amakaziye 15 y’inzoga za Skol ku mukino batsinze. Izi nzoga zikaba zifite agaciro kangana n’ibihumbi ijana na mirongo itanu by’amanyarwanda(150 RWF).
Rayon Sports y’Abagore izasubira mu kibuga tariki 08 Nzeri 2025 ikina na Top Girls Academy y’i Burundi. Nibasha gutsinda uyu mukino mukino nk’uko yabyemerewe, izahita igeza amakaziye 30 y’inzoga z’Uruganda rwa Skol zihwanye n’ibihumbi magana atatu y’u Rwanda (3000 RWF).
