Mu mikino ya 1/2 yo kwishyura, Ikipe ya APR FC yatsinze Police FC igitego kimwe ku busa bituma igera ku mukino wa nyuma aho izahura na Rayon Sports yatsinze Mukura VS igitego 1-0 mu mukino wa 1/2 wo kwishyura.
Iyi mikino yombi yabereye kuri Stade Amahoro i Remera, APR FC yatsinze igitego kimwe ikomeza ku mpuzandengo y’ibitego 2-1 kuko mu mukino ubanza APR FC yari yanganyije na POLICE FC 1-1. Rayon Sports nayo yari yanganyije na Mukura VS 1-1 ikaba yakomeje ku mpuzandengo y’ibitego 2-1.
Umukino wa nyuma uzahuza APR FC na Rayon Sports uteganyijwe ku Cyumweru tariki 04 Gicurasi 2025 mu gihe umwanya wa gatatu uzakinirwa ku wa Gatandatu tariki 03 Gicurasi hagati ya Police FC na Mukura VS.
