Uwitwa Col Gilbert Ekombe Bongilima wo mu ngabo za Leta ya Kinshasa (FARDC), yiyunze kuri M23 we n’igice kinini cy’ingabo yari ayoboye.
Col. Ekombe yari asanzwe ari umuyobozi wa regiment ya 137 ya FARDC ikorera muri Groupement ya Luberiki ho muri Teritwari ya Walikale. Ku wa Mbere w’iki cyumweru ni bwo uyu Ofisiye mukuru n’abasirikare babarirwa muri 90 bahuje amaboko na M23 nk’uko amasoko ya BWIZA dukesha aya makuru abyemeza.
Hashize icyumweru kirenga M23 yinjiye muri Teritwari ya Walikale aho igenzura ibice bitandukanye.
Kuva mu ntangiriro z’iki cyumweru uyu mutwe wegereye agace ka Pinga aho ukomeje kurwanira n’ihuriro ry’ingabo za Leta ya Repubulika Iharanira Demokarasi ya Congo.
Amakuru dukesha iki kinyamakuru aremeza ko ingabo za M23 ziri ahitwa Bitende, hejuru neza ya Centre ya Pinga.
