Amizero
Imyidagaduro

Zabyaye amahari hagati ya Juno Kizigenza na Igitangaza Music

Izina Juno Kizigenza ryatangiye kumenyekana cyane mu ruganda rwa muzika mu Rwanda muri 2019, ndetse uyu musore akaba yarakoze izina ku buryo budasubirwaho mu mwaka wa 2020 aho yabarizwaga mu nzu ireberera abahanzi ya Igitangaza Music. Gusa nkuko Abanyarwanda babivuze, nta gahora gahanze, uyu musore yarangije gutandukana na Igitangaza Music.

Mu butumwa yacishije ku mbuga nkoranyambaga ze, Juno Kizigenza yashimiye Bruce Melodie wamwakiye mu nzu ye ireberera abahanzi ya Igitangaza Music, anavuga ko yamwigiyeho byinshi.

Uyu musore kandi yanavuze ko urugendo rwe muri muzika rutarangiriye aha, anashimira abamubaye bugufi muri uru rugendo, haba abatunganya umuziki ku buryo bw’amajwi, abatunganya umuziki ku buryo bw’amashusho, abatunganya amafoto n’abandi avuga ko aribo bamufashije gukura muri uru ruganda, akaba yanabasabye gukomeza kumuba bugufi.

Amakuru agera kuri www.amizero.rw avuga ko amasezerano uyu musore yari afitanye na Igitangaza Music yagombaga kumara umwaka, ubu ngo bakaba batandukanye ku bwumvikane bwa bombi kuko Juno Kizigenza yari amaze umwaka n’amezi abiri mu Igitanggaza Music.

Juno yagize ati: “Bruce Melodie nawe ni umuhanzi ukeneye gushyira imbaraga mu mishinga ye ku giti cye. Nta kibazo na gito mfitanye na Igitangaza Music, Bruce Melodie aracyari inshuti yanjye, isaha n’isaha twakongera tugakorana rwose.”

Amakuru www.amizero.rw ikiri kubakurikiranira avuga ko Kenny Sol nawe ashobora kuba yaratandukanye na Igitangaza Music yashinzwe na Bruce Melodie, ubu akaba nawe yarinjiye mu cyiciro cyo gukora umuziki adafite ibizwi nka management.

Related posts

Ruhango: Amashimwe ni yose kuri ADEPR Mutara kubera ibyakozwe na Korali Ebenezer yo ku Mukamira [Amafoto].

NDAGIJIMANA Flavien

Mu birori byuje umunezero utangwa n’Imana, Chorale Ebenezer ADEPR Mukamira II yizihije isabukuru y’imyaka 25.

NDAGIJIMANA Flavien

Waba uzi inkomoko n’ibisobanuro by’izina Yvette ? Ngo kwicisha bugufi si ibintu bye.

NDAGIJIMANA Flavien

Leave a Comment