Amizero
Ahabanza Amakuru Hanze Politike Umutekano

Umuyobozi wa Teritwari ya Rutshuru yasuye General Sultan Makenga uyobora M23.

Ifoto ya General Sultan Makenga uyobora Igisirikare cy’Umutwe wa M23 akaba na Visi Perezida wawo ari kumwe na Gilbert Kankonde wahoze ayobora Teritwari ya Rutshuru yatumye benshi bibaza impamvu y’uruzinduko rwe.

Iyi foto igaragaza aba Bayobozi babiri, igaragaza General Sultan Makenga arinzwe n’umurinzi ari kumwe n’uyu wahoze ayobora Teritwari ya Rutshuru, igiye hanze mu gihe M23, ikomeje kwigarurira uduce twinshi mu mirwano iwuhanganishije n’ingabo za Repubulika ya Demokarasi ya Congo, FARDC muri Rutshuru n’utundi duce.

Goma24 ikorera ku mbuga nkoranyambaga yashyize hanze iyi foto, ntiyagaragaje icyo aba bayobozi bombi baganiriyeho, gusa cyasobanuye ko aba bombi bahuriye i Bunagana, kamwe mu duce tw’ingenzi twigaruriwe na M23.

N’ubwo nta byinshi byatangajwe kuri aba Bayobozi, byemejwe ko uyu Muyobozi wahoze ayobora Rutshuru mbere y’ibihe bidasanzwe byashyizweho na Perezida Tshisekedi (Etat de Siège), yaje gusura ibice biri mu maboko ya M23 agamije guhinyuza no kureba ubuzima abaturage bari mu duce dufitwe n’uyu mutwe babayemo.

Gen Sultan Makenga ntakunze kugaragara kenshi mu mafoto, dore ko kuva M23 yafata Umujyi wa Bunagana yigaragaje rimwe, aho yari kumwe na Major Willy Ngoma uvugira M23, ubwo yakuragaho urwikekwe ku bihuha byamubikaga ko yapfuye.

Umutwe wa M23 ugenzura Umujyi wa Bunagana kuva tariki 13 Kamena 2022. Bunagana ni Umujyi ukomeye mu bucuruzi mpuzamahanga kuko uherereye ku mupaka hagati ya DR Congo na Uganda, ukaba unagenzura n’ibindi bice bya Teritwari ya Rutshuru mu Ntara ya Kivu y’Amajyaruguru.

Umuyobozi wa Teritwari ya Rutshuru ari kumwe na General Makenga.

Related posts

Covid-19: Utubari twemerewe gufungura nyuma y’umwaka n’igice dufunze.

NDAGIJIMANA Flavien

Israel Mbonyi agiye gukorera ibitaramo by’imbaturamugabo i Bujumbura

NDAGIJIMANA Flavien

Nyabihu: Babangamiwe cyane n’uruganda rusatura amabuye ruri rwagati mu ngo.

NDAGIJIMANA Flavien

Leave a Comment