Amizero
Ahabanza Amakuru Imyidagaduro Ubuzima

Umuhanzi nyarwanda Yvan Buravan yitabye Imana.

Umuhanzi nyarwanda Burabyo Yvan  wamenyekanye ku mazina y’ubuhanzi nka Yvan Buravan yitabye Imana mu rucyerera rwo kuri uyu wa 17 Kanama 2022 aguye mu bitaro byo mu Buhinde aho yari amaze iminsi arwariye.

Mu itangazo ryasohowe n’abashinzwe kureberera inyungu ze, bahamije ko Buravan yazize indwara ya Kanseri yari amaranye iminsi.

Kuva yasohora indirimbo iheruka (Big time), Yvan Buravan yahise afatwa n’indwara atangira kwivuza tariki 2 Nyakanga uyu mwaka.

Nyuma y’icyumweru kimwe kirenga ari kwivuriza mu bitaro byitiriwe Umwami Faisal, yaje gutaha; icyo gihe yavugaga ko yiyumva nk’uwakize ariko nyuma y’iminsi mike hakiriwe indi nkuru y’uko yagiye kwivuriza muri Kenya.

Kuva icyo gihe inkuru z’uburwayi bwe zakomeje kuba mbi ndetse umuryango we kenshi ugahamya ko icyo ukeneye ari amasengesho ku mwana wabo kurusha gutangaza uko ameze.

Nyuma y’iminsi yivuriza muri Kenya, Yvan Buravan yagaruwe mu Rwanda hatangira gutegurwa urugendo rwo kujya kumuvuriza mu Buhinde aho yajyanywe mu ntangiriro za Kanama 2022.

Mu rucyerera rwo kuri uyu wa 17 Kanama 2022 nibwo byamenyekanaga ko yitabye Imana binyuze mu itangazo ry’abashinzwe kumureberera. Roho ye iruhukire mu mahoro

Uyu muhanzi yitabye Imana akiri muto.

Related posts

Rubavu: Perezida Paul Kagame yakiriye Tshisekedi wa DR Congo wasuye u Rwanda.

NDAGIJIMANA Flavien

Afrobasket zone 5: U Rwanda rwatsinze umukino wa mbere (Amafoto)

NDAGIJIMANA Flavien

Mu gihe ubucuruzi bumwe na bumwe bwazahajwe na COVID-19 imisoro izakusanywa na RRA mu mwaka wa 2021/2022 yariyongeye: Azaturuka he?

NDAGIJIMANA Flavien

Leave a Comment