Amizero
Ahabanza Amakuru Imikino

UCL: Amakipe azakina umukino wa nyuma yamenyekanye

Kuri uyu wa gatatu tariki ya 05 Gicurasi 2021 Chelsea yasezereye Real Madrid ibitse iki gikombe inshuro nyinshi ibona itike yo kuzahura na Manchester city igeze ku mukino wa nyuma bwa mbere mu mateka yayo, umukino uzarebwa n’abantu 4000 Istanbul muri Turkey.

Mu mukino wa kabiri wa ½ cy’irangiza, ukaba wari umukino wo kwishyura, kuri uyu wa gatatu tariki ya 05 Gicurasi 2021, ku kibuga Stamford bridge Chelsea FC yo mu bwongereza yatsinze  Real Madrid yo muri Esipanye ibitego 2-0. Ni ibitego byatsinzwe na Timo Werner ku munota wa 28 mu gihe igitego cya kabiri cyinjijwe na Mason Mount ku munota wa 85.

Mu mukino ubanza wari wabaye tariki ya 28 Mata 2021 Real Madrid yanganyije na Chelsea FC 1-1, i Madrid ho muri Esipanye.  Ibi bivuze ko Real Madrid ifite iki gikombe inshuro nyinshi (13) ndetse ikaba ari nayo iheruka kugitwara, yasezerewe ku giteranyo cy’ibitego 3-1.

Abakinnyi ba Chelsea FC Bishimira igitego

Undi mukino wa ½ wari wabaye mu ijoro ryo kuwa kabiri tariki ya 04 Gicurasi 2021 Manchester city yo mu Bwongereza yatsinze Paris St Germain yo mu Bufaransa ibitego 2-0. Ibitego byombi byatsinzwe na Ryad Mahrez ku munota wa 11 n’uwa 63.

Mu mukino ubanza wabaye tariki ya 29 Mata 2021 Manchester City yari yatsinze Paris St Germain ibitego 2-1 mu murwa mukuru Paris. Manchester igeze ku mukino wanyuma ku nshuro ya mbere, igeze kuri ibi isezereye Paris St Germain ku giteranyo cy’ibitego 4-1.

Ryad Mahrez ashagawe nyuma yo kwinjije ibitego byombi mu mukino wo kwishyura

Umukino wanyuma wo guhatanira igikombe cya UEFA champions league hagati y’aya makipe yombi yo mu Bwongereza uzabera Istanbul muri Turkey ku kibuga Ataturk Olympic Stadium tariki ya 29 Gicurasi 2021.

Ntiharemezwa isaha uyu mukino uzakinirwa mu gihe UEFA kuri iki kibuga giheruka kwakira umukino nk’uyu mu mwaka wa 2005, ariko UEFA ikaba iteganya kuzagurisha amatike 4000, kuri uyu mukino bivugwako uzaba umwe mu mikino ihenze mu mateka ya UEFA Champions league.  

No mu mwaka wa 2019 amakipe yo mu bwongereza (Liverpool & Tottenham) yari yahuriye ku mukino wanyuma

Related posts

DR Congo: Abarenga 176 bamaze kumenyekana ko bishwe n’imvura nyinshi.

FARDC yiyemeje kwisubiza Kitshanga ikabohora ingabo zayo zahagotewe na M23.

NDAGIJIMANA Flavien

Al Jazeera igiye guhagarikwa ku butaka bwa Israel izira icyiswe ‘gukorana n’umwanzi’.

NDAGIJIMANA Flavien

Leave a Comment