Amizero
Ahabanza Amakuru Politike Umutekano

Perezida Kagame yazamuye mu ntera Lt Col Niyomugabo anamuha inshingano nshya.

Perezida wa Repubulika y’u Rwanda Paul Kagame akaba n’Umugaba w’Ikirenga w’Ingabo z’u Rwanda RDF, yazamuye mu ntera Lt Col Niyomugabo Bernard amuha ipeti rya Colonel anamugira ushinzwe ibikorwa bya gisirikare mu Gihugu cya Qatar.

Mu itangazo ryashyizwe ahagaragara n’Ubuyobozi Bukuru bw’Ingabo z’u Rwanda kuri uyu wa Mbere, hagaragayemo izi mpinduka zakozwe na Nyakubahwa Paul Kagame.

Ushinzwe ibikorwa bya gisirikare mu kindi gihugu, aba akorera muri Ambasade. Bivuze ko Col Niyomugabo inshingano ze azajya azubahiriza anyuze muri Ambasade y’u Rwanda muri Qatar, agakora nk’Umudipolomate kandi afite ubudahangarwa. Aharanira ko Igihugu cye kigirana imikoranire myiza mu bya gisirikare n’icyo afitemo inshingano.

Muri 2015, Col Niyomugabo ubwo yari afite ipeti rya Lieutenant Colonel, yoherejwe muri Sudani y’Epfo mu butumwa bwa Loni. Icyo gihe yagiye ayoboye icyiciro cya kane cy’ingabo zishinzwe kurwanisha indege.

Col Niyomugabo yari asanzwe ayobora Ishami rishinzwe Abakozi mu Gisirikare cy’u Rwanda RDF rizwi nka J1.

Related posts

WCQ: Amavubi anganyirije mu rugo, akomeza kuba ku mwanya wa nyuma(Amafoto)

NDAGIJIMANA Flavien

Inkuru y’agahinda ya Valérie uregwa kwica umugabo wamukoreye iyicarubozo kuva mu buto bwe

NDAGIJIMANA Flavien

Abadepite b’Umuryango RPF bari mu Nteko Ishinga Amategeko barasabwa gukora neza ku nyungu z’abaturage babatoye.

NDAGIJIMANA Flavien

Leave a Comment