Amizero
Ahabanza Amakuru Amatangazo Politike Umutekano

Niger yafunze ikirere cyayo yirinda ibitero by’indege.

Abasirikare bahiritse ubutegetsi muri Niger bafunze ikirere cy’icyo Gihugu nyuma yo kwikanga igitero cy’amahanga gishobora kwifashisha indege.

Itsinda ry’abasirikare bahiritse ubutegetsi bashyize itangazo hanze kuri iki Cyumweru tariki 06 Kanama 2023, rivuga ko hari ingabo z’Igihugu gikomeye zateguraga kugaba ibitero kuri Niger.

Ntabwo hatangajwe icyo Gihugu icyo aricyo nubwo muri Niger hasanzwe ingabo zigera ku 1500 z’u Bufaransa ndetse n’iza Leta Zunze Ubumwe za Amerika 1100, ibyo Bihugu bikaba ibya mbere byamaganye ihirikwa ry’ubutegetsi bwa Perezida Mohamed Bazoum, wahiritswe tariki 26 Nyakanga 2023.

Iri tangazo ry’agatsiko ka gisirikare kahiritse ubutegetsi kandi rije ku munsi wa nyuma kari kahawe ngo kabe kasubije ubutegetsi Bazoum, aho umuryango w’Ibihugu byo mu Burengerazuba bwa Afurika (CEDEAO) watangaje ko nibidakorwa ushobora kwitabaza ingufu za gisirikare.

Ntabwo uwo muryango uratangaza ikiraza gukurikiraho nyuma y’uko umunsi ntarengwa wari watanze, wageze.

Umwuka ukomeje kuba mubi hagati ya Niger n’Ibihugu by’amahanga by’umwihariko ibigize CEDEAO, umuryango wa Afurika yunze Ubumwe, u Burayi na Leta Zunze Ubumwe za Amerika.

Basaba ko Perezida Bazoum asubizwa ku butegetsi, abasirikare bo bakavuga ko batabikozwa kuko yakuweho kuko yari ananiwe.

Niger yafunze ikirere cyayo yirinda ko yagabwaho ibitero byo mu kirere.
Abasirikare bahiritse ubutegetsi/Photo Internet.

Related posts

Goma: Bigabije urusengero rw’Abanyamulenge bararusahura, batangiye kurusenya rurabagwira.

NDAGIJIMANA Flavien

Wa musirikare wa DR Congo wiciwe ku mupaka w’u Rwanda yashyinguwe nk’intwari [AMAFOTO].

NDAGIJIMANA Flavien

Gakenke: Umunyarwandakazi uba mu Bufaransa yafashije abakobwa 25 babyariye iwabo.

NDAGIJIMANA Flavien

Leave a Comment