Amizero
Ahabanza Amakuru Hanze

Minisitiri w’intebe wa Côte d’Ivoire yapfiriye mu bitaro byo mu Budage.

Minisitiri w’intebe wa Côte d’Ivoire, Hamed Bakayoko, yapfiriye mu bitaro byo mu Budage, nk’uko byatangajwe na Perezida w’iki Gihugu.

Bakayoko, warimo avurwa kanseri, yapfuye ku wa gatatu, nyuma y’iminsi micye agize imyaka 56.

Mu kwezi kwa karindwi mu 2020 nibwo yagizwe Minisitiri w’intebe, nyuma y’urupfu rutunguranye rw’uwo yasimbuye Amadou Gon Coulibaly.

Perezida Alassane Ouattara yavuze ko Bakayoko yari “urugero ku bakiri bato n’umugabo w’intangarugero mu kwizerwa”.

Mu kwezi kwa kabiri, Bakayoko yajyanywe gusuzumwa mu Bufaransa, nyuma yoherezwa mu Budage kuko amagara ye yarimo amera nabi.

Uyu mugabo wahoze ari umushoramari mu itangazamakuru nyuma akaba umunyapolitiki, yakoze umurimo w’ubuhuza mu ntambara y’imbere muri Côte d’Ivoire yo kuva mu 2002.

Issiaka Sangare uvugira ishyaka ritavuga rumwe n’ubutegetsi Front Populaire Ivoirien (FPI), yabwiye ibiro ntaramakuru AFP ko Bakayoko yari “umuntu ukomeye muri politiki no kunga igihugu”.

Uretse kuba yari Minisitiri w’intebe, Hamed Bakayoko yari na Minisitiri w’ingabo.

Patrick Achi ni we wagizwe Minisitiri w’intebe w’agateganyo, mu gihe Téné Birahima Ouattara, murumuna wa perezida, yagizwe Minisitiri w’ingabo w’agateganyo.

BBC

Related posts

Uganda: Amashuri n’indi mirimo byongeye gufungwa kubera Covid-19.

NDAGIJIMANA Flavien

Nyirarukundo Ignatienne yakuwe muri MINALOC asimbuzwa Ingabire Assumpta.

NDAGIJIMANA Flavien

“Insengero zemerewe kongera gukora, imihango y’ubukwe iremerwa, Imirenge 40 ikurwa muri Guma mu rugo”. Ibyemezo by’Inama y’Abaminisitiri.

NDAGIJIMANA Flavien

Leave a Comment