Amizero
Ahabanza Amakuru Ubutabera

Karasira Aimable yabwiye urukiko ko adateze kuburana igihe cyose atarivuza indwara zo mu mutwe.

Ubwo yari imbere y’Urukiko Rwisumbuye rwa Nyarugenge, Karasira Aimable ukurikiranyweho ibyaha birimo ibyo gukwirakwiza amacakubiri, yanze kuburana asaba ko yahabwa igihe cyo gutegura urubanza rwe neza cyane ko afite indwara zirimo n’izo mu mutwe, anavugako igihe cyose atarivuza adateze kuburana.

Karasira Aimable yigeze kuba umwarimu muri Kaminuza y’u Rwanda, UR. Kuri uyu wa Mbere byari byitezwe ko agaragara imbere y’Urukiko Rwisumbuye rwa Nyarugenge, akaburana mu mizi ku byaha ashinjwa. Urubanza rwongeye gusubikwa nyuma yo kwanga kuburana, asaba ko yahabwa umwanya wo gutegura urubanza rwe neza.

Zimwe mu mpamvu Karasira yagaragarije inteko iburanisha ni uko afite uburwayi kandi ko atarabona imiti. Yavuze ko arwaye diabète, agahinda gakabije, umutima ndetse ko afite n’uburwayi bwo mu mutwe.

Nyuma yo kumva ibisobanuro by’uregwa, urukiko rwemeje ko iburanisha risubikwa ku bw’inyungu z’ubutabera, ryimurirwa ku wa 7 Nyakanga 2022.

Karasira aheruka mu Rukiko muri Gashyantare aho yari yasobanuye ko impamvu yifuza gusubikirwa urubanza ari uko atashakaga kuburanishwa hakoreshejwe ikoranabuhanga ahubwo asaba kuburana imbonankubone.

Akurikiranyweho ibyaha birimo guhakana no guha ishingiro Jenoside yakorewe Abatutsi mu 1994, gukurura amacakubiri no kudasobanura inkomoko y’umutungo.

Karasira Aimable asohotse mu rukiko

 

Related posts

Uburusiya (Russia) bwacanye umuriro kuri Ukraine ishyigikiwe na Amerika [AMAFOTO]

NDAGIJIMANA Flavien

Ikipe y’u Rwanda Amavubi itsinzwe n’iya Uganda igumana umwanya wa nyuma muri iri tsinda.

NDAGIJIMANA Flavien

Tshisekedi yasabye abanyecongo baba mu Bubiligi kumutera inkunga yo guhangana n’u Rwanda.

NDAGIJIMANA Flavien

Leave a Comment