Amizero
Ahabanza Amakuru Imikino

Ferwafa yisubiyeho itangaza ko Stade Umuganda yemerewe kongera kwakira imikino.

Ishyirahamwe ry’Umupira w’amaguru mu Rwanda FERWAFA, nyuma yuko ryari ryatangaje ko Stade Umuganda yo mu Karere ka Rubavu itemerewe kwakira imikino ya Shampiyona y’Icyiciro cya mbere n’icya kabiri mu Rwanda bitewe n’uko yangijwe n’imitingito, kuri ubu iri Shyirahamwe ryongeye gutangaza ko iyi Stade noneho yemerewe kwakira imikino.

FERWAFA ivuga ko kuyisana byarangiye. Iti: “Abafana bemerewe kwitabira imikino ibera kuri iyi Sitade bubahirije amabwiriza yashyizweho”.

Ferwafa itangaje ibi nyuma y’uko amakipe akinira kuri iyi Stade, ari yo Rutsiro FC, Marines FC na Etincelles FC yari aherutse kwandika asaba ko icyemezo cyafashwe cy’uko Umuganda utakwakira imikino cyakurwaho kuko ngo n’ubwo umutingito wayikozeho ariko bo nk’abayigeraho ndetse bakanayikoresha umunsi ku munsi, batabona impamvu itakwakira imikino, dore ko ngo no mu gusoza Shampiyona Umwaka ushize, iyi Stade yakiniweho kandi imitingito yari yarabaye.

Nyuma y’ubu bujurire, habaye umwiherero wahuje abarebwa n’iki kibazo barimo Minisiteri ya Siporo, Ferwafa, Akarere ka Rubavu n’abandi, maze basasa inzobe, ari byo bishobora kuba byatanze uyu musaruro.

Iyi Stade Umuganda yo mu Karere ka Rubavu, yemerewe kongera kwakira imikino nyuma y’uko yari yarahagaritswe kubera ibyari byavuzwe ko ari ingaruka z’iruka ry’Ikirunga cya Nyiragongo cyo muri Repubulika Iharanira Demokarasi ya Congo, ryabaye mu mpera za Gicurasi uyu mwaka wa 2021.

Related posts

Israel Mbonyi yataramiye abanyarwanda mu bitaramo bya Iwacu Muzika Festival yambaye imyenda y’ibara rya gisirikare.

NDAGIJIMANA Flavien

Umushumba wa Kiliziya Gatolika ku Isi Papa Francis yasubukuye ibiganiro bya buri cyumweru agirana n’imbaga y’abemera imbona nkubone

Shyaka Josbert

“Kwihangira umurimo bisaba kwiyemeza ugatangira udategereje ubundi bufasha”. Sina Gérard

NDAGIJIMANA Flavien

Leave a Comment