Amizero
Ahabanza Amakuru ITEGANYAGIHE Ubukungu Umutekano

Entebbe: Nyuma y’impanuka y’indege ya RwandAir, indege nini zemerewe kongera kuguruka.

Ikigo gishinzwe indege za gisivile muri Uganda, kivuga ko umuhanda munini wa
Entebbe International Airpot wafunguye ubu indege zikaba zemerewe
kongera guhaguruka.

Ni nyuma y’uko uyu muhanda w’indege nini wari wafunzwe bitewe n’impanuka y’indege ya Kompanyi y’u Rwanda ikora ubwikorezi bwo mu kirere, RwandAir, yabaye mu gitondo cyo kuri uyu wa Gatatu tariki 20 Mata 2022, ahagana saa kumi n’imwe n’igice (05:30am).

Amakuru yatanzwe avuye ku Kibuga cy’Indege cya Entebbe, yemeje ko indege ya RwandAir yanyereye ubwo yashakaga kugwa ariko ikabangamirwa n’ikirere cyari kimeze nabi. Ngo yarenze umuhanda kandi iranawufunga.

Iyi ndege ya RwandAir yari itwaye abantu bagera kuri 60, yavaga i Nairobi muri Kenya yerekeza Entebbe muri Uganda, maze ahagana saa kumi n’imwe n’igice z’igitondo ( 5:31am) ku isaha ya Kampala, inanirwa kururuka neza bitewe n’ikirere kibi, niko guparika ahatari hateganyijwe.

RwandAir yemeje ko abagenzi bose ndetse n’abakozi b’iyi ndege nta n’umwe wagize ikibazo, bose bakaba bavuyemo nta kibazo bagize ndetse n’indege ubwayo ngo ikaba itangiritse kuko yaguye ahari ubwatsi hameze nk’igishanga kuko ikibuga cya Entebbe kiri hafi ya Victoria, ibintu bituma hahora igicu gikunze kubangamira indege ziba zishaka kugwa.

Entebbe International Airport/Photo Internet
Iyi ndege yagize ibibazo ubwo yashakaga guparika
Ikibuga cy’Indege cya Entebbe kiri hafi y’ikiyaga cya Victoria

Related posts

Uganda: Sosiyete y’ubwikorezi bwo mu kirere ‘Uganda Airlines’ igiye gushyira imigabane yayo ku isoko.

NDAGIJIMANA Flavien

FDLR: Urunturuntu mu birindiro bya General Ntawunguka Omega. Menya ikibyihishe inyuma.

NDAGIJIMANA Flavien

Ibirori bidasanzwe: abakobwa 70 bashyingiranwe n’ibiti

NDAGIJIMANA Flavien

Leave a Comment