Ku nshuro ya mbere Leicetser City yegukanye igikombe cya FA cup nyuma yo gutsinda Chelsea FC igitego 1-0 mu mukino wabaye kuri uyu wa gatandatu tariki ya 15 Gicurasi 2021 ku kibuga cya Wembley Stadium
Mu mukino wa nyuma wo guhatanira igikombe cy’igihugu (FA Cup), kuri uyu wa gatandatu tariki ya 15 Gicurasi 2021 ku kibuga cya Wembley Stadium, Leicester city yegukanye igikombe itsinze Chelsea FC igitego 1-0.
Iki gitego rukumbi cyabonetse ku munota wa 63 gitsinzwe n’umusore w’imyaka 24 Youri Tielemans ukomoka mu gihgu cy’Ububiligi, gihesheje Leicester city igikombe nyuma y’uko iyi kipe yari iheruka ibyishimo nk’ibi ubwo yegukanaga shampiyona y’Ubwongereza mu mwaka wa 2016.
![](https://amizero.rw/wp-content/uploads/2021/05/Leicester-Ndidi-1024x683.jpg)
Leicester city yaherukaga igikombe mu mwaka wa 2016 ubwo yatwaraga shampiyona y’Ubwongereza. Kuva icyo gihe iyi kipe yasubiye inyuma yongera kugarura imbaraga nyuma yo kwimika umutoza Brendan Rodgers mu mwaka wa 2019.
Leicester City yageze kuri uyu mukino wa nyuma imaze gusezerera Southhampton iyitsinze igitego 1 ku busa mu gihe na Chelsea yageze ku mukino wanyuma isezereye Manchester city ku gitego 1 ku busa.
![](https://amizero.rw/wp-content/uploads/2021/05/Leicester-Tielemans-1024x739.jpg)
Leicester city yinjiye mu mateka y’amakipe 34 afite iki gikombe gifitwe n’amakipe akomeye nka Arsenal (14), Man utd (12), Chelsea na Tottenham (8), Liverpool na Aston villa (7) n’ayandi…
Wanders FC wo mu gace ka Upper norwood ho mu mugi wa London niyo yegukanye bwa mbere iki gikombe cyahataniwe inshuro 140 n’amakipe agera kuri 47 yo mu bwami bw’ubwongereza mu myaka 150 ishize.
![](https://amizero.rw/wp-content/uploads/2021/05/Brendan-Rorgers-1024x815.jpg)