Amizero
Ahabanza Amakuru Politike Umutekano

M23 yagose ikigo cya Gisirikare cya Rumangabo, FDLR na FARDC bahungira i Goma.

Umutwe wa M23 wemeje ko uri kugenzura utundi duce dutatu yafashe nyuma yo gukozanyaho na FARDC ifatanyije n’imitwe yitwaje intwaro irimo FDLR yiganjemo abasize bakoze Jenoside yakorewe Abatutsi mu Rwanda.

Goma 24 yatangaje aya makuru kuri uyu wa Gatatu tariki 03 Kanama 2022, yemeje ko uduce twa Bukima, Kabaya na Kanombe turi mu maboko y’abarwanyi ba M23.

Iki kinyamakuru gikomeza kigira kiti: “Nanone kandi Rumangabo [ikigo cya gisirikare] na cyo cyagoswe na M23. FARDC na FDLR bari guhunga berekeza i Goma.”

Aya makuru kandi yanemejwe n’umugaba mukuru wa M23, General Sultan Makenga wavuze ko M23 iri kugenzura utwo duce dutatu two muri Rutshuru kuva ku mugoroba wo kuri uyu wa Kabiri tariki 02 Kanama 2022 nyuma y’imirwano ikomeye yabaye hagati y’uyu mutwe na FARDC ndetse n’abarwanyi bayifasha.

Utu duce two muri Gurupoma ya Gisigari twafashwe na M23 mu gihe ku wa Mbere tariki 01 Kanama 2022 FARDC ifatanyije n’iyo mitwe bagabye ibitero ku birindiro bya M23 biherere muri Bisoke na Kalisimbi.

Amakuru atangwa n’umwe mu bakurikiranira hafi iyi mirwano imaze iminsi, yemeza ko M23 yanamaze kugota ikigo cya gisirikare cya Rumangabo gisanzwe gicunzwe na FDLR aho bamwe mu barwanyi bayo banabuze uko bahunda.

Umutwe wa M23 wagoze Ikigo cya gisirikare cya Rumangabo
Sultan Makenga uyobora M23 ari kumwe n’abarwanyi be.

Related posts

Abajura bishe bunyamaswa abaturage barenga 200 mu Majyaruguru ya Nigeria.

NDAGIJIMANA Flavien

Tanzania: Abibye amafaranga ya Leta barasabwa kuyagarura mu maguru mashya

NDAGIJIMANA Flavien

Nyamasheke: Umugabo ukekwaho kwica se na nyina yatawe muri yombi.

NDAGIJIMANA Flavien

Leave a Comment