Amizero
Amakuru Hanze Politike Umutekano

Amerika yizeye ko intambara yo muri Ethiopia izarangira binyuze mu biganiro.

Umunyamabanga wa Leta ya Amerika, Antony Blinken, avuga ko afite icyizere ko ibikorwa bya dipolomasi bizatuma intambara yo muri Ethiopia irangira.

Yavuze ko yaganiriye n’intumwa y’umuryango w’Ubumwe bw’Afurika (AU/UA) muri Ethiopia, Olusegun Obasanjo wahoze ari Perezida wa Nigeria, hamwe n’intumwa ya Amerika mu Karere k’ihembe rya Afurika, Jeffrey Feltman.

Ku wa gatatu, Bwana Blinken yagize ati: “Twizeye ko, dushingiye ku kazi k’ingenzi Perezida Obasanjo arimo gukora ibyo turimo gukora n’ibyo abandi barimo gukora hakiri amahirwe yo kuvamo [mu ntambara] no kwerekeza ibi ahantu heza kurushaho”.

Bwana Blinken yavuze ko yanavuganye na Minisitiri w’Ububanyi n’amahanga wa Ethiopia, Demeke Mekonnen agashimangira ko hacyenewe “kujya mu biganiro nta kujenjeka ku guhagarika imirwano nta yandi mananiza”.

Yagaragaje impungenge atewe no kuba amagambo avugwa n’impande zombi ziri mu mirwano ashobora gukongeza urugomo mu baturage.

Yavuze ko yizeye ko ibiganiro ku gahenge bizatuma imfashanyo ishobora kugera ku bo igenewe ndetse nyuma hakabaho “kuganira ku muti urambye kurushaho wo mu rwego rwa politiki” nk’uko tubikesha BBC.

Ibi bikurikiye intambwe inyeshyamba zateye mu gihe cya vuba aha gishize zerekeza ku murwa mukuru Addis Ababa.

Hashize igihe Leta ya Ethiopia isabye abatuye i Addis Ababa kwisuganya bakarinda Umujyi wabo.

Related posts

Martin Rodriguez Cristian wa Direct Energie yegukanye Tour du Rwanda 2021

Christian Hakorimana

Gatabazi JMV wari Guverineri w’Intara y’Amajyaruguru yagizwe Minisitiri w’Ubutegetsi bw’Igihugu. [Izindi mpinduka]

NDAGIJIMANA Flavien

Habimana Sostène yahamagaye 3 bakina i Burayi muri 35 bazifashishwa muri CECAFA U23

Christian Hakorimana

Leave a Comment