Mu mukino wo guhatanira umwanya wa 3 mu irushanwa rya Afrobasket2021, Senegal itsinze Cape verde yegukana umwanya wa gatatu
Mu mukino woguhatanira umwanya wa 3, kuri iki cyumweru tariki ya 05 Nzeri 2021, Senegal yegukanye umwanya wa 3 nyuma yo gutsinda Cape verde amanota 86 kuri 73
Agace ka mbere k’umukino karangiye Senagal itsinze amanota 21 kuri 18, agace ka kabiri kabonekamo amanota 23 kuri 21, agace ka gatatu kabonekamo amanota 17 ya Senagal kuri 13 ya Cape Verde mu gihe agace ka nyuma Senegal yatsinze amanota 25 kuri 21 ya Cape verde.
Muri uyu mukino, umukinnyi Gorgui Dieng (Senegal) usanzwe ukinira ikipe ya Atlanta Hawks muri NBA yakoze amateka y’ikitwa Double double (Double digit) atsinda amanota 30, asama imipira iba ku nkangara 12 ndetse anatanga imipira 5 ivamo amanota.
