Ku butumire bwa mugenzi we wa Repubulika ya Demokarasi ya Congo, Perezida Evariste Ndayishimiye w’u Burundi, ategerejwe i Kinshasa mu murwa mukuru wa DR Congo kuri uyu wa Mbere tariki 22 Kamena 2026 mu ruzinduko rw’akazi rw’iminsi ibiri.
Ibiro bya Perezida wa Repubulika ya Demokarasi ya Congo byatangaje ko Perezida Félix Antoine Tshisekedi Tshilombo ajya ku kibuga cy’Indege cya N’djili kwakira inshuti ye magara nyuma bakagirana ibiganiro mu muhezo, biza gukurikirwa n’ikiganiro n’itangazamakuru.
Ibiganiro hagati y’aba bayobozi bombi bizibanda ku bibazo bibangamiye Ibihugu byombi by’umwihariko ikibazo cy’umutekano mu Burasirazuba bwa DR Congo, ndetse n’ingamba zo kurwanya icyorezo cya Ebola nacyo gikomeje kugarika ingogo muri iki gihugu.
Uru ruzinduko rubaye mu gihe Perezida Evariste Ndayishimiye ari we uyoboye Umuryango wa Afurika Yunze Ubumwe (AU), akaba ari nawe ukomeje gufasha DR Congo mu ntambara ikomeye bahanganyemo na AFC/M23 mu Burasirazuba bw’iki gihugu.
