Ibyishimo ni byose ku Ikipe y’Akarere ka Gisagara y’abantu bafite ubumuga nyuma yo kwegukana igikombe cya Shampiyona ya Goal Ball 2024/2025, aho bongera kugaragaza ko kugira ubumuga ubwo ari bwo bwose bidakuraho ubushobozi karemano butuma ushobora kugera ku bigaragara ko bikomeye.
Hari kuri iki Cyumweru tariki 27 Mata 2025, kuri Petit Stade i Remera mu mujyi wa Kigali ubwo hasozwaga Shampiyona y’Igihugu y’imikino y’Abantu bafite Ubumuga ya Goal ball. Akarere ka Gisagara kakaba kegukanye igikombe nyuma yo gutsinda Ikipe y’Akarere ka Rwamagana ibitego 12 kuri 5, Gisagara ikaba yatwaye igikombe itsinze amakipe 11 yose yitabiriye iyi Shampiyona muri uyu mwaka wa 2024/2025.
