Ikipe ya Police FC yo mu Rwanda ntiyahiriwe n’urugendo rwo muri Algérie kuko yatsinzwe na CS Constantine ibitego 2-0 mu mukino ubanza w’ijonjora ry’ibanze rya CAF Confederation Cup wabereye muri Algérie kuri uyu wa Gatandatu, tariki 17 Kanama 2024.
Polisi FC yo mu Rwanda yari yongeye gukina Imikino nyafurika nyuma y’imyaka icyenda yose itazi uko iri rushanwa rimera bitewe n’umwanya yasozagaho muri Shampiyona y’icyiciro cya mbere mu Rwanda.
Uyu mukino watangiye amakipe yombi yigana, ntayirusha indi cyane. Uko iminota yazamukaga niko Constantine yatangiye kwiharira umupira no kurema uburyo bwinshi bw’ibitego.
Mu mpera z’igice cya mbere, iyi kipe yo muri Algérie yatangiye gusatira cyane ari nako yotsa igitutu ab’inyuma ba Police FC.
Ku munota wa 45, Constantine yabonye penaliti yatsinzwe neza na Brahim Dib isoza igice cya mbere iyoboye umukino n’igitego 1-0.
Mu gice cya kabiri, amakipe yombi yongeye kwigana ariko Police FC yiharira umupira cyane.
Mu minota 70, Polisi FC yasatiraga cyane ari nako igerageza uburyo bw’ibitego ariko ntibubyare umusaruro.
Ku munota wa 78, Constantine yazamukanye umupira neza yinjira mu rubuga rw’amahina bahindura umupira imbere y’izamu Tosim Omoyele atsinda igitego cya kabiri.
Nyuma y’umunota umwe gusa, Henry Msanga yabonye ikarita y’umutuku, Police FC isoza umukino ituzuye.
Umukino warangiye CS Constantine itsinze Police FC ibitego 2-0 itera intambwe igana mu ijonjora rikurikira, imibare iba myinshi kuri Police FC.
Umukino wo kwishyura uteganyijwe ku cyumweru tariki 25 Kanama 2024 kuri Kigali Pelé Stadium, Police FC isabwa byibuze ibitego bitatu kugirango ikomeza mu rindi jonjora.
Abakinnyi 11 Police FC yabanje mu kibuga: Rukundo Onesime, Mandela Ashlaf, Nsabimana Eric, Bigirimana Abedi, David Chimeze, Henry Msanga, Issah Yakubu, Allan Katerega, Hakizimana Muhadjiri, Richard Kirongozi na Ani Elijah. (Igihe)
Looking for the best Replica Watches site 2024 in the world? Buy now High-Quality replica watches for the best price on best replica watches uk website.
\We specialize in selling Top Swiss Cheap Breitling Replica Watches.
\UK Swiss movement japan replica watches at affordable prices can be find from this website.
