Amizero
Ahabanza Amakuru Amatangazo Iyobokamana Ubuzima

Rubavu: Itorero rya SEIRA ryagobotse abaturage bahuye n’ibiza [AMAFOTO]

Mu rwego rwo gukomeza kububabakira ubushobozi hagamijwe kubaka umuryango utuje kandi utekanye, Itorero SEIRA ryagobotse abaturage bahuye n’ibiza muri Gicurasi uyu mwaka, basaga 700 mu Murenge wa Nyundo, Akarere ka Rubavu, Intara y’Iburengerazuba.

Bamwe mu baturage bahawe ubufasha bw’ibikoresho bitandukanye nk’inkweto, ibiribwa ndetse n’ubwisungane mu kwivuza(Mutuelle de Santé), ubwo baganiraga n’itangazamakuru, n’akanyamuneza kenshi, bavuze ko bahinduriwe ubuzima mu gihe bari baratakaje icyizere cyo kongera kubaho nyuma y’ibiza byabashegeshe.

Uwitwa Ndahimana Emmanuel yagize ati: “Ndashimira ubuyobozi bw’Itorero buduhaye ubufasha kuko tukimara guhura n’ibiza njyewe nahise numva nihebye ariko kubera inkunga mpawe ndumva nongeye kugira icyizere cyo kubaho”.

Kankundiye Domina w’imyaka 79 y’amavuko nawe yagize ati: “Ndashimira ubuyobozi bwite bw’Itorero bwantangiye umusanzu w’ubwisungane mu kwivuza kuko imyaka ngezemo sinkibasha gukora, nta wundi muntu tubana, ni njyewe gusa wimenya”.

Ubuyobozi bw’Itorero SEIRA Community Church, buvuga ko gufasha abatishoboye ari intego y’Itorero nk’uko byakorwaga n’abatubanjirije mu rwego rwo gushimangira ihame rivuga ko ‘roho nzima itura mu mubiri muzima’.

Bishop Mutabaruka Aphrodise urishumbye yagize ati: “Muri ya gahunda ya Leta yo gufasha abantu kwigira, dusanga ari byiza ko muri uyu mwaka tugomba gufasha abaturage kugirango umwaka utaha bazabashe kwiyishyurira umusanzu w’ubwisungane mu kwivuza, tukaba twishyuriye abantu 600 mu rwego rwo gukora ibikorwa bijyanye n’ibyifuzo by’abaturage”.

Umuyobozi w’Akarere ka Rubavu wungirije ushinzwe imibereho myiza y’abaturage, madame Ishinwe Pacifique, yasabye abaturage bo mu Karere ka Rubavu ndetse n’abandi muri rusange gukomeza kwishakamo ibisubizo hagamijwe kubaka iterambere rirambye.

Yagize ati: “Itorero SEIRA ni abafatanyabikirea beza nko mu bukanguramba bw’isuku n’ubwa Mutuelle de Santé. Aba batewe inkunga ni abanyantegenke, ntimutegereze rero ngo nanjye bazantera inkunga. Gahunda mwatangiye y’ibimina muyikomeze kugirango mubashe kwishyura umusanzu w’ubwisungane mu kwivuza”.

Itorero SEIRA Community Church rikorera mu Turere umunani, rikaba rimaze imyaka isaga 10 rikorera mu Rwanda. Muri iyi gahunda, hishyuriwe abatishoboye umusanzu w’ubwisungane mu kwivuza bagera kuri 600, imiryango 50 ihabwa ibyo kurya, abana 700 bahabwa inkweto mu rwego rwo kurushaho kunoza isuku.

Akanyamuneza kari kose ku bafashijwe
Vice Mayor Pacifique
Umuyobozi w’Itorero

Yanditswe na Neza Alice WWW.AMIZERO.RW

Related posts

M23 yerekanye intwaro nyinshi yambuye FARDC n’abacancuro bayo [AMAFOTO].

NDAGIJIMANA Flavien

Mugisha Moïse yakoze impanuka y’igare muri Tokyo Olympics 2020.

NDAGIJIMANA Flavien

Gufuha byatumye umusirikare wa FARDC yica mugenzi we n’abasivile babiri nawe ahita yiyahura.

NDAGIJIMANA Flavien

Leave a Comment