Amizero
Ahabanza Amakuru Hanze

RCA: Bangui yagoswe n’inyeshyamba zishobora guhangana bikomeye n’ingabo za UN zirimo n’iz’u Rwanda.

Ubwoba ni bwose mu murwa mukuru wa Centrafrique (RCA/CAR) Bangui bwatewe nuko inyeshyamba zawugose, nk’uko bivugwa n’uwahoze ari Minisitiri w’Intebe w’iki gihugu.

Martin Ziguélé avuga ko buri munsi hahora intambara mu gihugu cyose kandi ko ari wenyine adashobora kuva i Bangui adaherekejwe n’abasirikare.

ONU ivuga ko abantu barenga 200.000 bataye ingo zabo kuva intambara ikajije umurego mu kwezi gushize.

RCA ni kimwe mu bihugu bya Afrika bikennye kandi birangwamwo umutekano muke, n’ubwo gifite ubutaka bwuzuye amabuye y’agaciro nka diamond na uranium. ONU ivuga ko hafi igice cy’abaturage bose babeshejweho n’imfashanyo z’abagiraneza.

Biravugwa ko ubu inyeshyamba zigose umurwa mukuru Bangui kuko zitemera manda ya kabiri ya Perezida Faustin Archange Touadéra yabonye nyuma y’intsinzi yo mu matora yabaye mu kwa cumi na kabiri, bakaba bashaka ko ava ku butegetsi.

Umurwa mukuru Bangui ucungiwe umutekano n’ingabo za leta zifatanije n’ingabo za ONU zirimo n’izo mu Rwanda, hakiyongeraho abakomando boherejwe n’u Rwanda ku bwumvikane bw’abakuru b’ibihugu byombi ndetse n’abndi ba mudahusha bavuye mu Burusiya byitwa ko baje kwigisha igisirikare cya RCA. Mu ntangiriro z’uku kwezi hatangajwe amategeko y’intambara.

Ziguélé, wabaye uwa gatatu mu matora ashize, avuga ko icyo buri wese yifuza ari  uko inzira nyamukuru yo guhungiramo hagati ya Bangui n’amajyepfo ya Kameruni yakomeza gufungurwa kuko ariho abona bahungira biramutse bikomeye.

Yabwiye ibiro ntaramakuru by’Abongereza Reuters kuri terefone ati: “Sinshobora kuva i Bangui…ntaherekejwe n’abasirikare bafite intwaro zikomeye”.

Ati: “Ibaze nawe rero abaturage bandi. Ushyizemo n’izi ngingo zo kubuza urujya n’uruza mu ijoro hamwe n’aya mategeko yo mu ntambara – ibintu ntibyoroshye na gato”.

Ziguélé yakiriye neza umwanzuro wa ONU wo kongera ingabo zayo ariko akavuga ko hakenewe mu buryo bwihutirwa ibiganiro hagati y’impande zombi.

Ati: “Igisubizo cya gisirikare si cyo cyonyine gikenewe kugira ngo ikibazo cy’umutekano, imibereho n’ubutunzi kibonerwe umuti”.

Ingabo zagiye gufasha kubungabunga amahoro n’umutekano muri RCA nizo ziri ku rubuga aho zigerageza gusubiza ibintu mu buryo.

Ishami rya ONU rishinzwe impunzi, HCR rivuga ko hafi impunzi 92.000 z’abanya RCA zahungiye muri Repubulika iharanira Demokarasi ya Congo, na ho abarenga 13.000 bahungiye muri Kameruni, Tchad na Congo Brazaville. Rivuga ko abandi benshi bahungiye hagati mu gihugu.

Impunzi zahungiye muri DRC/Photo Internet.

Related posts

Musanze FC yerekanye abatoza bashya na ba Rutahizamu 2

Christian Hakorimana

Ku myaka ibiri gusa Kashe abaye umuntu wa mbere muto winjiye mu muryango w’intiti ku isi

Shyaka Josbert

Tanzania: Perezida Suluhu yagize icyo atangaza ku gitero cyagabwe ku biro bya Polisi

Christian Hakorimana

1 comment

Mwami Jean Damascene February 26, 2021 at 2:25 pm

Biden aramenye ntazabe nka Trump watekerezaga bihubutse

Reply

Leave a Comment