Amizero
Ahabanza Amakuru Hanze Politike Umutekano

Perezida Putin na mugenzi we Kim Jong-un biyemeje kwagura umubano.

Uburusiya bwemeje ko bugiye kwagura imibanire yubaka kandi muri byinshi na Korea ya Ruguru, nk’uko byavuzwe na Perezida Vladimir Putin. 

Mu ibaruwa yoherereje mugenzi we Kim Jong un ku munsi w’ubwigenge bwa Pyongyang, Putin yavuze ko ibyo bizaba biri mu nyungu z’Ibihugu byombi.

Mu gusubiza, Kim yavuze ko ubucuti bw’Ibihugu byombi buhera mu ntambara ya kabiri y’Isi aho batsinze Ubuyapani.

Yongeyeho ko ubucuti bwacu bwa kivandimwe buzakomeza gukomera.

Ikinyamakuru KCNA cya Leta ya Korea ya Ruguru kivuga ko Putin yavuze ko umubano wagutse uzagendana n’inyungu z’Ibihugu byombi.

Mu ibaruwa, Kim yasubije ko ubucuti bwa Korea ya Ruguru n’Uburusiya bwavutse mu ntambara yo kurwanya Ubuyapani kandi ko bwakomeje kandi bukaguka ikinyejana nyuma y’ikindi.

Yongeraho ko ubwo bucuti n’ubufatanye hagati y’ibi bihugu bwageze ku rwego rwo hejuru, ku rugamba rumwe rwo gucogoza ingufu za gisirikare z’umwanzi n’ubushotoranyi.

Pyongyang ntiyasobanuye izo ngufu z’umwanzi mu izina, ariko iyo nyito yakoreshejwe kenshi na Korea ya Ruguru mu gusobanura Amerika n’inshuti zayo.

Ubumwe bw’Abasoviyeti bwahoze ari inshuti ikomeye ya Korea ya Ruguru, bifatanya mu bucuruzi, iby’umuco, hamwe n’inkunga.

Ariko iyo mibanire yarakendereye nyuma yo gusenyuka kwa leta y’Abasoviyeti, butangira kugaruka nyuma y’uko Uburusiya butangiye kurebana nabi n’iburengerazuba kuva mu ntangiriro z’imyaka ya 2000.

Muri Nyakanga, Korea ya Ruguru yabaye kimwe mu bihugu bicye byemera Leta ebyiri zishyigikiwe n’Uburusiya mu burasirazuba bwa Ukraine, nyuma y’uko Moscow isinye itegeko ko izo leta zigenga.

Mu kwihimura, Ukraine, iri kurwana n’Uburusiya bwateye ubutaka bwayo, yahagaritse umubano wose na Pyongyang.

Related posts

Isi iri mu kangaratete: Ibikubiye muri raporo y’Umuryango w’Abibumbye ku mihindagurikire y’ikirere

NDAGIJIMANA Flavien

Kayonza: Ishuri ryambuye abarimu nabo baryima amanota y’ibizamini, abana bahabwa ibindi bizamini.

NDAGIJIMANA Flavien

Amateka y’itariki ya 20 Mutarama, itariki y’irahira rya Perezida wa Amerika kuva mu 1937.

NDAGIJIMANA Flavien

Leave a Comment