Mu gitondo cyo kuri iki Cyumweru tariki ya 24 Gicurasi 2026, Perezida wa Repubulika y’u Rwanda, Paul Kagame yageze i Doha muri Qatar, mu ruzinduko rw’akazi.
Ku kibuga Mpuzamahanga cy’Indege cya Doha International Airport, Perezida Paul Kagame yakiriwe n’Umunyamabanga wa Leta muri Minisiteri y’Ububanyi n’Amahanga ya Qatar, Dr. Mohammed bin Abdulaziz bin Saleh Al Khulaifi ndetse na Ambasaderi w’u Rwanda muri Qatar, Igor Marara Kayinamura.
Qatar iri mu burasirazuba bwo hagati, kikaba Igihugu gifitanye umubano mwiza n’u Rwanda mu byiciro bitandukanye birimo ubukungu, ububanyi n’amahanga, umutekano n’ibindi. Qatar kandi ni umuhuza mu bibazo bya DR Congo, aho iyi Leta ihanganye na AFC/M23 mu burasirazuba.
