Amizero
Ahabanza Amakuru Imikino

Nshimiyimana Imran abimburiye benshi binjira muri Musanze FC

Nshimiyimana Imran wahoze mu makipe nka Rayon sport na APR FC asinye amasezerano y’imyaka 2 muri Musanze FC yitegura kwakira umutoza mushya uzungirizwa n’abanyarwanda babiri.  

Kuri uyu wa gatatu tariki ya 25 Kanama 2021 Musanze FC yasinyishije Nshimiyimana Imran amasezerano y’imyaka y’imyaka 2.

Uyu mukinnyi ukina hagati mu ikipe y’igihugu ‘Amavubi’ ndetse akaba yarakinnye mu makipe nka Police FC, APR FC ndetse na Rayon sport niwe mukinnyi wa mbere winjiye muri iyi kipe yo mu majyaruguru y’u Rwanda mu mwaka w’imikino wa 2021/2022.

Iyi kipe yavuzweho abatoza batandukanye bo hanze ariko ntiyabasha guhuza nabo, izatozwa n’umutoza Francis Kimanzi ukomoka muri Kenya ndetse akaba ategerejwe mu rwagasabo kuri uyu wa gatanu.

Biravugwa ko uyu mutoza ariwe wasabye iyi kipe kugura Imran Nshimiyimana n’abandi bakinnyi b’amazina azwi, ndetse ubwo azaba aje mu Rwanda akazamanukana abandi bakinnyi babiri basatira baca ku mpande, aba bakaba bakomoka mu gihugu cya Uganda.

Uyu mutoza watoje ikipe y’igihugu ya Kenya azungirizwa n’abatoza babiri b’abanyarwanda barimo Nshimiyimana Maurice bakunze kwita ‘Maso’ uzaba umutoza wa mbere wungirije ndetse na Nyandwi Idrissa uzaba ari umutoza wa 2 wungirije.

Nshimiyimana Maurice ashobora gusinyira Musanze FC kuri uyu wa gatatu

Nyuma yo gusoza umwaka w’imikino wa 2020/2021, Musanze FC yatakaje abakinnyi 9. Abo ni abanyezamu Ndoli Jean Claude na Shema Innocent; Nyandwi Saddam na Muhoza Tresor bari basoje amasezerano yabo, hakaba kandi Musa Sova, Mutebi Rashid, Kyambade Fred batandukanye n’ikipe kubera umusaruro muke, ndetse yewe hakiyongeraho Ndizeye Innocent wavuye muri iyi kipe mu buryo budasobanutse.

Related posts

Abafatabuguzi ba MTN Rwanda barayishinja kubakura ku murongo amasaha hafi 8 itabateguje.

NDAGIJIMANA Flavien

Abanyarwanda 9 birukanwe na Uganda bageze mu Rwanda.

NDAGIJIMANA Flavien

Imikino Olempike: muri basketaball u Bufaransa bukoze US mu jisho

Shyaka Josbert

Leave a Comment