Amizero
Ahabanza Amakuru Hanze Umutekano

Kenya iri guhigisha uruhindu abarwanyi ba Al-shabab bishe bunyamaswa abantu 6 muri Komini yitwa Lamu.

Amakuru ava muri Kenya aravuga ko abasirikare n’izindi nzego z’umutekano barimo guhigisha uruhindu abakora iterabwoba b’umutwe wa al-Shabab bishe abantu 6 mu gitondo cyo kuri uyu wa mbere tariki 3 Mutarama 2022 muri Komine Lamu ku mupaka wa Kenya na Somaliya.

Irungu Macharia, Komiseri wa Komini ya Lamu, yavuze ko abakekwa kuba ari abarwanyi ba al-Shabab, bagabye igitero kandi bishe abaturage mu Midugudu kuri uyu wa Mbere mu gitondo, mu gace ka Widhu. Cyakora ntawahise yigamba icyo gitero.

Macharia yavuze ko barimo gukurira abo bakekwa mu ishyamba. Yongeyeho ko bashobora kuba banihishe mu baturage. Uyu muyobozi yakomeje avuga ko barimo gusaba abaturage gufasha inzego z’umutekano kumenya aho abo bagizi ba nabi banyuze.

Televisiyo yo mu Gihugu cya Kenya, Citizen TV, yatangaje ko byibura umwe mu bishwe, yarashwe, undi yatemagujwe umuhoro, kandi ko abandi batwitswe ari bazima.

Umuturage wo mu gace ka Widhu, yavuze ko abagabye igitero banatwitse amazu menshi n’ubwo abaturage benshi bavuganye n’ama radiyo yaho, bibazaga niba urwo rugomo ari urw’abarwanyi ba kiyisilamu cyangwa niba hari aho ruhuriye na politiki mu Gihugu.

Ibitangazamakuru byasubiyemo ibyo abaturage bavugaga ko abenshi mu bagabye igitero bari bitwaje imihoro, mu gihe abarwanyi ba al-Shabab bazwiho kwitwaza imbunda.

Related posts

Rubavu: Abarerera ku ishuri rya EPGI-ULK bavuga ko umurage nyawo muri iki gihe ari uburezi bufite ireme. [AMAFOTO]

NDAGIJIMANA Flavien

BASKETBALL: IPRC Musanze yakoze imyitozo yanyuma itegura imikino 3 yo muri iyi weekend (Amafoto)

Shyaka Josbert

Rubavu: Minisitiri w’Ubutegetsi yasabye ko imirimo yo kubaka isoko ry’aka Karere isubukurwa bitarenze ibyumweru bibiri.

NDAGIJIMANA Flavien

Leave a Comment