Amizero
Ahabanza Amakuru Politike Uburezi Ubuzima

Isaha yo gutangira akazi mu Rwanda yavuye kuri saa moya ishyirwa saa tatu.

Inama y’abaminisitiri yateranye kuri uyu wa Gatanu tariki 11 Ugushyingo 2022, yemeje ko amasaha y’akazi mu Rwanda agomba kuba umunani, kakazajya gatangira saa tatu za mu gitondo kagasozwa saa kumi n’imwe z’umugoroba.

Ni amabwiriza agomba gutangira kubahirizwa muri Mutarama 2023, akazagabanya amasaha y’akazi kuko katangiraga saa moya za mu gitondo nko mu nzego za Leta ahandi kagatangira saa mbili, kagasozwa saa kumi n’imwe.

Uretse akazi gasanzwe, mu mashuri naho amasomo azajya atangira saa mbiri n’igice za mu gitondo (8:30 am) ageze saa kumi n’imwe za nimugoroba (5:00pm).

Iki cyemezo cyafatiwe mu nama y’abaminisitiri yateranye kuri uyu wa Gatanu iyobowe na Nyakubahwa Perezida Paul Kagame, yemeje ko cyafashwe “hagamijwe guteza imbere ireme ry’uburezi, kongera umusaruro ukomoka ku kazi no kunoza imibereho myiza y’umuryango”.

Imyanzuro y’iyi nama ivuga ko ku bakozi, amasaha y’akazi ku munsi ari umunani (8), guhera saa tatu za mu gitondo (9:00 am) kugeza saa kumi n’imwe z’umugoroba (5:00 pm) hatabariwemo isaha imwe y’ikiruhuko.

Ikomeza iti “Hagati ya saa mbiri (8:00 am) na saa tatu za mu gitondo (9:00 am), abakozi bashobora gukora bifashishije ikoranabuhanga, cyangwa bakitabira akazi aho bakorera mu gihe hari impamvu yihutirwa.”

Biteganywa ko serivisi z’ingenzi zihabwa abaturage zizakomeza gutangwa mu masaha yose y’umunsi.

Icyakora, uyu mwanzuro uzatangira gushyirwa mu bikorwa guhera muri Mutarama 2023.

Biteganyijwe ko amabwiriza arambuye ku ishyirwa mu bikorwa ry’ingengabihe nshya y’amasomo ku banyeshuri n’amasaha y’akazi ku bakozi azatangwa na Minisiteri zibifite mu nshingano.

Related posts

Itariki y’urubanza rwa Kabuga Félicien mu mizi yamenyekanye.

NDAGIJIMANA Flavien

M23 yafunguye ku mugaragaro umupaka wa Bunagana uhuza DRC na Uganda [VIDEO]

NDAGIJIMANA Flavien

Intambwe y’urwego rw’ubuvuzi mu Rwanda mu isura y’abanyamahanga barugana.

NDAGIJIMANA Flavien

Leave a Comment