APR BBC ishaka igikombe cya shampiyona yiyongereyemo amaraso mashya izana abarimo Kazingufu Ally, Habineza Shaffy, Isezerano Enock baje basanga umutoza Cliff Owur mu gihe Niyonkuru Pascal yerekeje muri REG BBC.
Amakuru atariho ivumbi Amizero.rw yamenye kuri uyu wa gatatu tariki 14 Mata 2021, ni uko mu ikipe ya APR BBC bamaze gufata umwanzuro ku mavugurura y’abakinnyi bazitabazwa n’iyi kipe inyotewe igikombe mu gihe kirekire.
Nyuma y’aho ikipe ya APR BBC ibuze itsindimwe mu mikino ya ½ cy’irangiza mu irushanwa risoza shampiyona (Playoff) ryahuje amakipe 8 ya mbere ku rutonde rwa Shampiyona umwaka ushize, iyi kipe yatangiye kuvugwamo amavugurura ashingiye ku batoza n’abakinnyi kugirango iyi kipe igaruke ku rutonde rw’amakipe y’igitinyiro muri shampiyona ya Basketball.
Ku ikubitiro umunyakenya Owur Cliff wigeze gutoza iyi kipe mu myaka ishize yongeye kugirirwa icyizerre aragizwa iyi kipe, mu gihe uwari umutoza mukuru w’iyi kipe Nkusi Aime Karim yagizwe umutoza wungirije.
Ntagihindutse mu minsi itageze kuri 6 shampiyona ya Basketball iratangira ku gihe cyateganyijwe. Amakuru yizewe agera ku kinyamakuru cyacu aravuga ko iyi kipe yamaze kwemeza abakinnyi bashya bazayifasha mu mikino ya shampiyona y’uyu mwaka.
Aha twavuga: Nkundwa Thierry na Rukundo Fabrice bavuye muri Espoir BBC, Kazingufu Ally wari kapitenni wa REG BBC, Habineza Sahffy wari muri Patriots, Isezerano Enock wavuye muri IPRC Kigali, Nkusi Arnold wakinaga mu gihugu cya USA ndetse na Papi wavuye muri Rusizi BBC, mu gihe Niyonkuru Pascal (Kaceka) yamaze kwerekeza muri Partiots.
Aba bakinnyi baje basanga abandi bakinnyi bakomeye barimo Niyonsaba Bienvenue, Kamirindi Olivier, Sangwe Armel, Ntwari Marius, Kayonga Chester Gisa, Ntagunduka Jean de Dieu ndetse na Munyaneza Eric bafasjije iyi kipe mu mwaka ushize w’imikino.
