Amizero
Ahabanza Amakuru Hanze Politike

France: Amatora hagati ya Emmanuel Macron na Marine Le Pen, ukwisubiramo kw’amateka yo mu 2017.

Nyuma yo kwiyamamaza kwaranzwemo ubushyamirane, kuri iki Cyumweru Tariki 24 Mata 2022, Abafaransa barimo guhitamo niba baha indi manda y’imyaka itanu Emmanuel Macron, w’ibitekerezo biri hagati na hagati, cyangwa kumusimbuza uwaba abaye Perezida wa mbere w’umuhezanguni ukomeye ku bya cyera, Marine Le Pen.

Le Pen, w’imyaka 53, ari mu rugamba rukomeye, kuko amakusanyabitekerezo agaragaza ko Bwana Macron, w’imyaka 44, afite amahirwe yuko ashobora kumutsinda amurushaho amanota 10. Kugira ngo umwe muri bo atsinde, acyeneye kwigarurira abatora bari batoye mucyeba we mu matora y’icyiciro cya mbere. Ariko aba ni abategetsi batavugwaho rumwe mu buryo bukomeye mu Bufaransa, bituma nta n’umwe muri bo wahita yizera ko ari bubone amajwi kurusha uwo bahatanye.

Abanenga Bwana Macron bavuga ko ari umuntu w’umwirasi (umwiyemezi) ndetse akaba na Perezida w’abakire, mu gihe uwo bahatanye w’umuhezanguni ukomeye ku bya cyera yashinjwe kugirana umubano wa hafi na Perezida w’Uburusiya, Vladimir Putin.

Bwana Macron yageze ku butegetsi mu 2017 asezeranya kuzana impinduka mu buryo bwihutirwa, ariko benshi binubira ko na n’ubu batarabona izo mpinduka. Ubutegetsi bwe bwashegeshwe n’imyigaragambyo, icyorezo cya Covid-19 ndetse n’ibiciro ubu birimo kuzamuka.

Hagati aho, Marine Le Pen yigiye ku makosa yakoze ubwo yatsindwaga bikomeye n’uyu mucyeba n’ubundi mu cyiciro cya kabiri cy’amatora mu 2017. Iyi ni inshuro ya gatatu agerageje kuba Perezida, kandi aramutse atsinzwe ishobora kuba ari yo nshuro ye ya nyuma abigerageje nk’uko tubikesha BBC.

Amatora mu Bufaransa ahanganishije abari bahanganye n’ubundi muri 2017/Photo Internet

Related posts

Afurika y’Epfo: Ifungwa rya Jacob Zuma wigeze kuyobora iki gihugu ryateye akaduruvayo

Shyaka Josbert

Nyagatare: Abanyarwanda 15 birukanwe na Uganda bakiriwe ku mupaka wa Kagitumba [AMAFOTO]

NDAGIJIMANA Flavien

Umuhanzi Nsengiyumva François bita ‘Gisupusupu’ wari umaze iminsi afunzwe yarekuwe.

NDAGIJIMANA Flavien

Leave a Comment