Amizero
Ahabanza Amakuru Imikino Imyidagaduro

Afrobasketball: U Rwanda rwatsinze DRC mu mukino warebwe na Perezida Kagame (Amafoto)

Ikipe y’igihugu ya Basketball ‘Amavubi’ yatsinze DRC mu mukino warebwe n’umukuru w’igihugu H.E Paul Kagame ku kibuga cya Kigali Arena ahari kubera irushanwa rya Afrobasketball.

Uyu mukino watangiye ku isaha ya saa kumi n’ebyiri z’umugoroba warebwe n’umukuru w’igihugu Nyakubahwa Paul Kagame wari mu mwanya w’icyubahiro mu kibuga cya Kigali Arena ari kumwe na Minisitiri wa Siporo Munyangaju Aurore Mimosa ndetse na Mugwiza Desire uyobora ishyirahamwe rya basketball mu Rwanda.

Uyu mukino warangiye u Rwanda rwari imbere y’abafana barwo rutsinze  DRC amanota 82 kuri 68.

Agace ka mbere karangiye u Rwanda rutsinze amanota 24 kuri 15 ya DRC, agace ka kabiri karangira amakipe yombi atsinzemo  amanota 19 buri imwe, agace ka gatatu karangira u Rwanda rutsinze amanota 14 kuri 24 ya DRC mu gihe agace ka nyuma karangiye ari amanota 25 kuri 13 ya DRC.

Ku ruhande rw’u Rwanda, umukinnyi Williams Robeyns niwe watsinze amanota menshi, 24 , akurikirwa na Gasana Kenneth watsinze amanota 13 ndetse na Ndizeye Dieudonne watsinze amanota 12. Ku rundi ruhande Maxi Munamba Shamba yatsinze amanota 22 akurukirwa na bagenzi be Jordan Shako ndetse na Henry Pwono batsinze amanota 12 buri wese.

Mu yindi mikino yabaye kuri uyu wa kabiri, mu itsinda B, Tunisia yatsinze Guinea amanota 82 kuri 46 naho Egypt itsinda Centra Africa amanota 72 kuri 56. Umukino ukurikira u Rwanda ruzahura na Angola kuri uyu wa kane tariki ya 26 Kanama 2021 ku isaha ya saa kumi n’ebyiri z’umugoroba.

Abafana bari bitabiriye umukino ari benshi
Ntore Habimana ni umukinnyi utanga icyizere cy’ahazaza
H.E Paul Kagame areba uyu mukino
Umuhanzi Jules Sentore yasusurukije abari aho
William Robeyns ni umwe mu bakinnyi beza b’iri rushanwa
Ubwo umukino wari usoje, bahanye ibiganza

Related posts

Igisirikare cya Israël kigendera kuki gitoranya ibisasu bya Hamas gishwanyaguriza mu kirere?

NDAGIJIMANA Flavien

Covid-19: Imfungwa n’abagororwa barimo Paul Rusesabagina bakingiwe.

NDAGIJIMANA Flavien

Afrobasket zone 5: Kenya itsinze Misiri yegukana igikombe

Christian Hakorimana

Leave a Comment