Hari igihe ubona igice cy’umusatsi wawe cyatangiye kugabanuka cyangwa kugenda kirekire kitagaragara. Uruhara ni indwara ifata uruhu, aho ubwirinzi bw’umubiri bushobora kwibasira udutwe tw’uruhu (hair follicles), bigatuma umusatsi utangira kubura mu bice bitandukanye ku mutwe cyangwa ku mubiri (Encyclopaedia Britannica)
Dore iby’ingenzi ugomba kumenya:
Impamvu z’uruhara
Imihindagurikire y’ikirere: ubushyuhe bukabije, ubukonje cyangwa izuba ryinshi bishobora gutera ibibazo ku ruhu.
Ubwandu: Bakteriya, virusi cyangwa udukoko (fungus) bishobora kwangiza uruhu no gutera uruhara.
Imirire mibi: Kutarya indyo yuzuye cyangwa intungamubiri nke bishobora kugira ingaruka ku musatsi.
Imyitwarire mibi ku ruhu: Gukoresha amavuta cyangwa ibikoresho byangiza uruhu bishobora gutera uruhara.
Indwara za gikoko: Eczema, psoriasis cyangwa acne bishobora gutera ibibazo ku musatsi.
Ibibazo by’ubuzima bw’umubiri: Indwara z’amaraso, umutima cyangwa umunyu mu mubiri bishobora gutera uruhara.
Ibimenyetso by’uruhara
.Igice cy’umusatsi kirapfuka cyangwa kigabanuka ku mutwe
.Kuribwa, kuvuvuka cyangwa kubora ku ruhu
.Gukomera ku ruhu cyangwa kugira udusebe
Uko warurinda
.Guhora ukorera umusatsi isuku ihagije
.Kwirinda gukoresha ibisokozo cyangwa uburoso by’abandi bantu
.Kurya indyo yuzuye ikungahaye ku myunyu ngugu nka magnesium, calcium, fer na zinc
.Kwirinda kwiyogoshesha cyangwa gukoresha amavuta akabije
.Kwirinda umunaniro ukabije, kuko ushobora gutuma umubiri ukora imisemburo myinshi itera uruhara
Nk’uko inzobere mu buvuzi bw’uruhu babivuga, kwita ku isuku y’uruhu n’umusatsi, kurya indyo yuzuye no kwirinda stress birafasha cyane mu kururinda hakiri kare. Niba wiboneye ibimenyetso by’uruhara, fata ingamba hakiri kare kugira ubumenyi no kwitonda ni bwo buryo bwiza bwo gusigasira uruhu rwawe n’umusatsi wawe.
