Hari hashize igihe gito kibarirwa mu minsi, umuhanzi nyarwanda The Ben ashyize hanze mu buryo bw’amajwi indirimbo ‘Why’ yakoranye n’icyamamare Diamond wo muri Tanzania, kuri ubu yamaze kuyishyira hanze mu buryo bw’amashusho.
Iminsi micye iyi ndirimbo imaze iri hanze, yishimiwe n’abatari bacye. Amashusho yayo yasohotse kuri uyu wa Kabiri tariki 4/01/2022 agaragaramo inkumi z’uburanga butangaje.
Mu minsi hafi itatu iyi ndirimbo imaze ishyizwe hanze mu buryo bw’amajwi (yashyizweho ku Cyumweru tariki 02 Mutarama 2022), imaze kurebwa n’abarenga ibihumbi magana 682 ku rubuga rwa Youtube, mu gihe ubu hamaze gusohoka video, nayo ikomeje kurebwa cyane.
Amashusho y’iyi ndirimbo ‘Why’ yafatiwe ku mazi, akaba agaragaramo abakobwa babiri b’ubwiza butangaje hamwe n’abahanzi The Ben na Diamond. Ni amashusho arimo abantu bacye cyane b’ingenzi. Amashusho yayo yatunganijwe n’umunyarwanda Julien BmJizzo mu gihe amajwi yayo yatunganijwe n’abarimo umunyarwanda Made Beat.
REBA INDIRIMBO ‘WHY’ :
