Ikigo Mpuzamahanga gishinzwe Ingufu za Nikereyeli (International Atomic Energy Agency/ IAEA), cyashimye intambwe u Rwanda rumaze gutera mu guteza imbere gahunda y’ingufu za Nikeleyeli, nyuma y’isuzuma giheruka gukora rigamije kureba uko rwiteguye gukoresha izo ngufu mu buryo butekanye, burinzwe kandi burambye.
Iri suzuma ry’iminsi umunani rwakoze kuva tariki ya 2 kugeza ku ya 9 Werurwe 2026, rikaba rifatwa nk’intambwe ikomeye mu rugendo rw’u Rwanda rwo gutangira gukoresha ingufu za Nikeleyeli mu kugeza amashanyarazi henshi mu gihugu.
Muri raporo yacyo, AIEA yagaragaje intambwe u Rwanda rumaze gutera, zirimo gutegura itegeko rishya rigenga ingufu za Nikeleyeli, gutangiza ibikorwa bigamije gukomeza kunoza urwego rw’amategeko n’amabwiriza agenga iyi gahunda, gukora inyigo z’ahazubakwa ibikorwa remezo no gutoranya ahantu hashoboka gushyirwa uwo mushinga w’ikoranabuhanga rya small modular reactors (SMR).
Mehmet Ceyhan, umuyobozi wa tekiniki mu ishami rishinzwe guteza imbere ibikorwa remezo bya Nikeleyeli muri AIEA akaba n’umuyobozi w’iryo tsinda, yavuze ko urwego rwo kwitegura n’uruhare rw’inzego bireba byose uko bihagaze bigaragaza ubushake bukomeye bwo guteza imbere iyi gahunda. (KT)
