Amizero
Ahabanza Amakuru Amatangazo Hanze Politike Umutekano

Somalia: Yarekuye urufaya rw’amasasu kuri bagenzi be yica batanu.

Mu gihugu cya Somalia giherereye mu ihembe rya Afurika, umusirikare yasutse urufaya rw’amasasu kuri bagenzi be hapfa abasirikare batanu barimo aba Somaliya, Bahrain na Emira ziyunze z’Abarabu.

Aya mahano yabareye mu murwa mukuru w’iki gihugu, Mogadishu nkuko umwe mu basirikare n’abakozi b’ibitaro babitangarije ibiro ntaramakuru by’Abongereza, Reuters.

Ministeri y’ingabo yo muri Emira ziyunze z’Abarabu yatangaje ko abasirikare bayo batatu n’umwe wo muri Bahrain baguye mu gitero cy’abakora iterabwoba muri Somaliya igihe barimo gutoza ingabo z’icyo gihugu. Itangazo iyo ministeri yasohoye rivuga ko abandi babiri bakomeretse.

Nta byinshi birenze aho ministeri y’ingabo yo muri Emira ziyunze z’Abarabu yatangaje, gusa yavuze ko irimo gukorana na leta ya Somaliya mu iperereza ku byabaye.

Umusirikare warashe amasasu yahitanye abo bagenzi be yari atojwe mu minsi ya vuba, na we bahise bamurasa arahagwa nkuko byemezwa n’undi musirikare wari aho ku kigo cya gisirikare cyitwa Gordon, kigenzurwa na Emira ziyunze z’Abarabu.

Yavuze ko uwarashe bagenzi be yahengereye batangiye gusenga agahita abamishamo urusasu. Avuga ko hari amakuru yemeza ko uwo musirikare yaba yaravuye mu barwanyi ba al Shabaab mbere yo kwinjira mu gisirikare cya Leta.

Al Shabaab, ifitanye isano n’umutwe w’iterabwoba wa al Qaeda, yigambye icyo gitero ibinyujije kuri Radio al Andalus ivuga ko abarwanyi bayo bishe abasirikare 17. (VOA)

Related posts

Rubavu: Polisi yarashe mu cyico igisambo cyari cyarayogoje rubanda.

NDAGIJIMANA Flavien

General muri FARDC wagaragaye i Kibumba aganira na M23 yirukanwe azira amakosa akomeye.

NDAGIJIMANA Flavien

Indege z’intambara za MONUSCO ziri gusuka ibisasu ku nyeshyamba za M23 mu Burasirazuba bwa Congo.

NDAGIJIMANA Flavien

Leave a Comment