Amizero
Ahabanza Amakuru Amatangazo Uburezi Ubutabera

Ruhango: Umunyeshuri arashinja mwarimu kumutera inda.

Umunyeshuri w’umukobwa wiga mu mwaka wa kane w’amashuri yisumbuye (S4) kuri GS Indangaburezi, Akarere ka Ruhango, Intara y’Amajyepfo arashinja umwarimu wigisha ku ishuri baturanye kumutera inda.

Uyu munyeshuri wo mu Murenge wa Ruhango avuga ko ubwo yari afite imyaka 17 yatewe inda n’umwarimu wigishaga kuri Ecole Techinique Saint Trinite de Ruhango TSS .

Yagize ati: “Nakorewe icyaha cyo guterwa inda. Niga kuri GS Indangaburezi, uwayinteye we yigishaga kuri Ecole Techinique Saint Trinite de Ruhango TSS, iwabo hakaba ari i Nyanza, nibaza impamvu adafatwa kandi turavugana buri munsi”.

Uyu mukobwa avuga ko kuba yaratewe inda, byamugizeho ingaruka kuko byatumye ata ishuri. Ati: “Ingaruka byangizeho ni uko ntari ku ishuri. Iki gihembwe ntabwo nize. Nk’ubu nariyigishije kandi nakabaye ndikwigishwa n’abarimu”.

Amakuru avuga ko uyu mwarimu witwa Hategekimana Danny ukekwaho iki cyaha, yamaze gutoroka ubutabera ku buryo kumubona ngo ashyikirizwe ubutabera bizagorana.

Umubyeyi w’uyu mwana avuga ko umukobwa we yavutse tariki 12 Nyakanga 2005, agasaba ko yabona ubutabera. Ati: “Icyo nifuza ni uko umwana wanjye bamurenganura. Ndashaka ko uwo musore aboneka agakurikiranwa kuko n’ubundi ikirego cyageze kuri RIB”.

Umuyobozi w’Akarere ka Ruhango wungirije ushinzwe imibereho myiza y’Abaturage, Mukangenzi Alphonsine, yatangarije itangazamakuru ko ku bufatanye bw’inzego bari gushakisha uyu musore ukekwa ngo ashyikirizwe ubutabera.

Related posts

Chorale Jehovanis yo kuri ADEPR Gasiza yafashije abo ku Mukamira kwizihiza Pasika bari mu mavuta.

NDAGIJIMANA Flavien

Didier Ratsiraka wabaye Perezida wa Madagascar yapfuye ku myaka 84 y’amavuko.

NDAGIJIMANA Flavien

Nyabihu: Abaturage biyemeje kubyaza umusaruro Sitasiyo y’amashanyarazi yuzuye itwaye asaga Miliyali 14 Frw.

NDAGIJIMANA Flavien

Leave a Comment