Amizero
Ahabanza Amakuru Amatangazo Politike

Perezida Paul Kagame na Madame bitabiriye Kongere y’Umuryango RPF Inkotanyi [AMAFOTO]

Kuri uyu wa Gatandatu tariki 30 Mata 2022, muri Kigali Arena habereye Kongere y’Umuryango RPF Inkotanyi, ikaba yayobowe na Chairman w’uyu Muryango ku rwego rw’Igihugu, Nyakubahwa Paul Kagame wari kumwe na Madame Jeanette Kagame.

Iyi Kongere yitabiriwe kandi na Visi Perezida wa RPF Inkotanyi, Honorable Bazivamo Christophe wari kumwe na François Ngarambe, akaba umunyamabanga Mukuru, yanitabiriwe n’abanyamuryango bahagarariye abandi ndetse n’abashyitsi baturutse mu yindi mitwe ya Politiki ikorera mu Rwanda.

Iyi Kongere, yasuzumiwemo aho gahunda za RPF Inkotanyi zigamije guteza imbere imibereho myiza n’iterambere ry’abaturage zigeze, hagamijwe kureba uko iterambere ry’umuturage ryarushaho kwihuta.

RPF Inkotanyi nka moteri (umutima) ya Guverinoma (Ruling Party), ni ngombwa ko isuzuma uburyo abaturage batera imbere, ndetse ikaba yanafata imyanzuro runaka hagamijwe ineza y’umunyarwanda ndetse n’iy’u Rwanda muri rusange.

Nyuma y’uko Ingabo za RPA, zari iza RPF Inkotanyi zihagaritse Jenoside yakorewe Abatutsi, zikanatsinda urugamba rwo kubohora Igihugu, mu 1994 abicanyi bari muri Leta yiyise iy’abatabazi bahungiye mu cyahoze ari Zaïre, ubu ni DR Congo n’ahandi hatandukanye ku Isi, maze RPF yiyemeza kubakira ku musingi wa ‘Demokarasi, Ubumwe n’Amajyambere’ ari nabyo bikomeje guhesha ishema u Rwanda mu ruhando mpuzamahanga, iterambere rikaba rihinda mu rw’imisozi igihumbi kubera ubuyobozi bwiza burangajwe imbere na RPF Inkotanyi.

Chairman Paul Kagame, Christophe Bazivamo na François Ngarambe
Madame Jeanette Kagame yitabiriye iyi Kongere
Abitabiriye bari bambaye imyambaro y’amabara y’Umuryango RPF Inkotanyi
Morale yari yose mu banyamuryango basingiza RPF Umuryango w’abanyarwanda
Yitandiye umwambaro ugaragaza RPF Inkotanyi nk’Umuryango w’abanyarwanda

Photos: Village Urugwiro

Related posts

Huye: Bagiye gufata umurambo w’umugabo kwa muganga ngo bawushyingure batungurwa no kumusanga yinywera agakoma.

NDAGIJIMANA Flavien

Etiyopiya: Ibyo ukwiye kumenya ku matora ateganijwe kuri uyu wa Mbere

NDAGIJIMANA Flavien

Ingabo z’u Rwanda zongeye gushimirwa uko zitwara mu butumwa bw’amahoro

NDAGIJIMANA Flavien

Leave a Comment