Amizero
Amakuru Hanze Politike Umutekano

Mozambique: Impunzi zari zarahunze ibyihebe muri Cabo Delgado zatangiye gutahuka [AMAFOTO].

Mu Ntara ya Cabo Delgado iherereye mu Majyaruguru ya Mozambique, kuri uyu wa Gatandatu tariki 28 Kanama 2021, inzego z’umutekano za Mozambique n’iz’u Rwanda batangiye igikorwa cyo gusubiza impunzi mu byazo.

Aba baturage bari barahunze guhera muri 2017 biturutse ku bikorwa by’umutwe w’iterabwoba uvuga ko ari Islamic State wari warayogoje aka gace k’amajyaruguru ya Mozambique.

Gucyura izi mpunzi no kuzisubiza mu byazo byatangiriye mu nkambi ya Quitunda, kikazakomereza no mu zindi nkambi.

Iyi nkambi y’impunzi ya Quitunda iherereye hafi y’icyambu cya Afungi ku Nyanja y’Abahinde, ikaba ibarizwamo impunzi zisaga ibihumbi icumi (10.000)

Valentim Sumail Dienga, Umuyobozi w’inkambi, yatangaje ko umubare w’abacyuwe ari 684 bavuye mu nkambi ya Quitunda bajyanwa aho bari batuye , mu Mujyi wa Palma, bakaba bishimiye kongera gukandagira mu Mujyi wabo wa Palma.

Yagize ati: “Turabashimira ko mwaje kudutabara, ibi ni ikimenyetso ko twunze ubumwe”.

Muri iki gikorwa, Ingabo z’u Rwanda RDF na Polisi RNP, bafatanyije n’inzego za Mozambique, batanze imodoka zatwaye abaturage ndetse babaherekeza mu nzira babacungiye umutekano kugera Palma. Ni urugendo rw’ibirometero 18, kandi aho basubiye mu byabo n’ubundi bakomeje gucungirwa umutekano.

Abaturage bakuwe mu byabo n’ibikorwa by’iterabwoba mu Ntara ya Cabo Delgado muri rusange bagera ku 826,000.

Kugeza ubu, abaturage bari mu nkambi barashima cyane Ingabo z’u Rwanda na Police kuko ngo bakigera muri iyi Ntara, imitima yabo yasubiye mu gitereko ndetse ko bishimiye umutekano ugenda ugerwaho muri iyi Ntara ku bufatanye bw’inzego z’umutekano za Mozambique n’u Rwanda.

Imbwa zisaka ibiturika za Police y’u Rwanda.
Imodoka zabatwaye zari zirinzwe
Zari zicaye mu modoka zituje zishimiye ko zisubiye iwabo.
Ibikoresho byabo byatwawe n’amakamyo ya gisirikare
Inzego z’umutekano z’u Rwanda zabanje kubasaka umwe kuri umwe hifashishijwe uburyo bugezweho bwa scanning.
Ingabo kabuhariwe z’u Rwanda zari ziryamiye amajanja zirebako nta mwanzi wahirahira.

Related posts

Nyina w’umuhanzi Meddy yitabye Imana azize uburwayi.

NDAGIJIMANA Flavien

Urupfu rw’Umuhanzi Tuyishime Joshua wamamaye nka Jay Polly rwashenguye benshi.

NDAGIJIMANA Flavien

“Aba bana ni abana badasanzwe, bakoze ibizamini mu bihe bidasanzwe kandi bakora ibidasanzwe”: Umuyobozi wa Kingdom School. [AMAFOTO]

NDAGIJIMANA Flavien

Leave a Comment